ខ្សែការពារ Cesar Azpilicueta បានព្រមានដល់មិត្តរួមក្រុមអេស្ប៉ាញថាមិនត្រូវមើលស្រាលក្រុមអ៊ីតាលីទេ ជាពិសេសកីឡាករ Jorginho តែម្ដង។
ក្រុមអេស្ប៉ាញ នឹងត្រូវប្រកួតជាមួយក្រុមអ៊ីតាលី សម្រាប់វគ្គពាក់កណ្ដាលផ្ដាច់ព្រ័ត្រពានរង្វាន់ Euro 2020 នៅថ្ងៃទី៧ខែកក្កដាឆ្នាំ២០២១នេះ។ មុនការប្រកួតនេះចាប់ផ្ដើម កីឡាករAzpilicueta ខ្សែការពារអេស្ប៉ាញ បានប្រាប់ទៅមិត្តរួមក្រុមថាមិនអាចមើលស្រាលក្រុមអ៊ីតាលីបាននោះទេ។ កន្លងមកពួកគេលេងបានល្អណាស់ ពិសេសពោរពេញដោយកីឡាករល្អៗនិងមានបទពិសោធតែម្ដង។
អ្វីដែលត្រូវមើលទៀតនោះគឺ Jorginho របស់អ៊ីតាលីដែលជាមិត្តរួមក្រុមនៅ Chelsea តែម្ដង។ Azpilicueta បាននិយាយទៀតថាខ្សែបម្រើរូបនេះមានគុណភាពល្អណាស់ ដូច្នេះអេស្ប៉ាញត្រូវតែបិទរូបគេឱ្យជាប់ មិនឱ្យមានចង្វាក់លេងទៅមុខនោះទេ៕ប្រភព៖ DailyMail
