Jack Grealish ខ្សែបម្រើក្រុមជម្រើសជាតិអង់គ្លេស ថានៅពេលនេះក្រុមដទៃទៀតល្មមមើលឃើញពីសមត្ថភាពក្រុមតោកំណាចអង់គ្លេសហើយ។
ក្រុមបាល់ទាត់ជម្រើសជាតិអង់គ្លេស នឹងត្រូវប្រកួតជាមួយក្រុមអ៊ុយក្រែនសម្រាប់ការប្រកួតពានរង្វាន់ Euro 2020 នៅវគ្គ៨ក្រុមចុងក្រោយ។ មុនការប្រកួតនេះ ក្រុមអង់គ្លេសហាក់ដូចជាមានទំនុកចិត្តសម្រាប់ការប្រកួតខ្លាំងណាស់។ ពួកគេមានកីឡាករល្អៗច្រើន ជាពិសេសមិនមានកីឡាករសំខាន់របួសនោះទេ។
មុនការប្រកួតចាប់ផ្ដើម Jack Grealish ខ្សែបម្រើក្រុមជម្រើសជាតិអង់គ្លេសបាននិយាយថា៖ “យើងមានកីឡាករ៦នាក់ដែលសុទ្ធតែអាចលេងគាំទ្រតំបន់របស់ Harry Kane បាន។ខ្លួនខ្ញុំ Jadon Sancho, Marcus Rashford, Raheem Sterling, Phil Foden និង Bukayo Saka។ វាបានបញ្ជាក់ថាយើងល្អប៉ុណ្ណា និងគួរឱ្យខ្លាចប៉ុណ្ណោះសម្រាប់អង់គ្លេស”។
រំលឹកថាអង់គ្លេសបានក្លាយជាក្រុមប្រជែងពានរង្វាន់មួយទៅហើយ បន្ទាប់ពីពួកគេទម្លាក់អាល្លឺម៉ង់មក និងបង្ហាញទម្រង់លេងបានល្អមែនទែន៕ប្រភព៖ MARCA
