លោក Roberto Martinez គ្រូបង្វឹកក្រុមជម្រើសជាតិបែលហ្សិក ថាខ្សែបម្រើ Kevin De Bruyne និងខ្សែប្រយុទ្ធ Eden Hazard អាចលេងទល់ក្រុមអ៊ីតាលីនៅម៉ោង២រំលងអាធ្រាត្រនេះបាន។
នៅរាត្រីនេះ ជាជំនួបជក់ចិត្តរវាងក្រុមបែលហ្សិក និងអ៊ីតាលី ដែលក្រុមទាំងពីរនេះសុទ្ធតែធ្វើបានល្អដូចគ្នាកាលពីប្រកួតកន្លងមក។ អ៊ីតាលី កំពុងមានកំណត់ត្រាមិនចាញ់៣១ប្រកួតមកហើយ ខណៈដែលក្រុមបែលហ្សិកវិញ មាន FIFA Ranking លេខ១លើលោកតែម្ដង។ តែប្រកួតទល់ក្រុមព័រទុយហ្គាល់កន្លងទៅ ក្រុមបែលហ្សិកមានបញ្ហាកីឡាកររបួស២នាក់ដែរ គឺ De Bruyne និង Hazard ដែលត្រូវប្ដូរចេញ។
តែបើតាមលោក Martinez វិញ បានបញ្ជាក់ថាកីឡាករសំខាន់ទាំងពីរខាងលើនេះ មិនមានបញ្ហាធំទេ។ ពួកគេនឹងអាចលេងបាននៅរាត្រីនេះ ទល់ក្រុមអ៊ីតាលី បើទោះជាមិនអាចជាប់ជម្រើសដំបូង ក៏អាចជួយក្រុមនៅនាទីណាមួយបានដែរ៕ប្រភព៖ DailyMail
