ក្រោយពីធ្លាក់ត្រឹមវគ្គ១៦ក្រុមចុងក្រោយនៃពានរង្វាន់ Euro 2020 មក លោក Frank de Boer ជាគ្រូបង្វឹកហុល្លង់ បានប្រកាសចេញពីតំណែងទៅហើយ។
លោក Boer បាននិយាយថាគោលដៅរបស់ក្រុមមិនបានសម្រេច ដូច្នេះគ្មានអ្វីក្រៅពីការទទួលខុសត្រូវនោះទេ។ លោកសម្រេចចិត្តលាឈប់នេះ ដើម្បីឱ្យបេក្ខភាពថ្មីមកដឹកនាំក្រុម ឱ្យកាន់តែល្អឡើងថែមមួយកម្រិតទៀតក្នុងពានរង្វាន់ខាងមុខ។ លោកក៏បានអរគុណអ្នកគាំទ្រ និងក្រុមហុល្លង់ដែលផ្ដល់ទំនុកចិត្តមកលើខ្លួនមួយរយៈនេះផងដែរ។
ក្រោយពីគ្រូបង្វឹកខាងលើចាកចេញទៅ ក្រុមហុល្លង់ក៏កំពុងស្វែងរកគ្រូថ្មីផងដែរ។ ប្រភពបានបញ្ជាក់ថាហុល្លង់ចង់បានលោក Louis van Gaal វ័យ៦៩ឆ្នាំដែលបានប្រកាសចូលនិវត្តន៍មកដឹកនាំក្រុមបន្ដ។ ដោយពួកគេផ្ដល់បានលោកចូលខ្លួនមកដឹកនាំក្រុមជាលើកទី៣៕ប្រភព៖ DailyMail
