Joachim Low ដែលទើបអស់ភារកិច្ចដឹកនាំក្រុមជម្រើសជាតិអាល្លឺម៉ង់តទៅទៀតនោះ បាននិយាយថាលោកនឹងជួបជាមួយ Mesut Ozil ក្នុងពេលឆាប់ៗនេះ ដើម្បីនិយាយពីរឿងដែលបានកើតឡើងលើកីឡាកររូបនេះ។
លោក Low បាននាំយក Ozil ឱ្យចូលលេងជម្រើសជាតិនៅឆ្នាំ២០០៩ ហើយរូបគេក៏ក្លាយជាកីឡាករមិនអាចខ្វះបានសម្រាប់ជម្រើសជាតិអាល្លឺម៉ង់ រហូតដល់ឆ្នាំ២០១៨ រូបគេក៏បានប្រកាសចូលនិវត្តន៍តែម្ដង។ ការប្រកាសនេះធ្វើឡើង ក្រោមហេតុផលថា Ozil ត្រូវបានសហព័ន្ធបាល់ទាត់អាល្លឺម៉ង់រើសអើង ក្រោយពីរូបគេទៅថតរូបជាមួយលោក Recep Erdogan ប្រធានាធិបតីទូរគី។
រឿងរ៉ាវនេះហើយ ទើបបានជាលោក Low ដែលទើបអស់តំណែងពីក្រុមជម្រើសជាតិអាល្លឺម៉ង់ថាលោកនៅមិនទាន់ទទួលបានហេតុផលសមរម្យជាងនេះពី Ozil នោះទេ។ ដោយកាលពីពេលរូបគេប្រកាសឈប់លេងឱ្យជម្រើសជាតិអាល្លឺម៉ង់នោះ ភ្នាក់ងាររបស់ខ្សែបម្រើរូបនេះគ្រាន់តែទូរសព្ទមកប្រាប់ ដោយមិនបានបញ្ជាក់ច្បាស់ឡើយ។
លោក នឹងព្យាយាមរកឱកាសដើម្បីជួបជាមួយ Ozil ផ្ទាល់ដើម្បីនិយាយគ្នាឱ្យដឹងរឿងច្បាស់៕ប្រភព៖ GOAL
