ក្រុម Spurs បានប្រកាសតែងតាំងលោក Nuno Espirito Santo ធ្វើជាអ្នកចាត់ការក្រុមថ្មីរបស់ខ្លួនហើយ បន្ទាប់ពីស្វែងរកមនុស្សមកធ្វើការងារនេះជាច្រើនសប្ដាហ៍មកហើយ។
អស់រយៈពេល៧២ថ្ងៃមកហើយដែលក្រុម Spurs បានបណ្ដេញលោក Jose Mourinho ចេញពីតំណែង ហើយមិនទាន់រកបានអ្នកចាត់ការថ្មី។ រហូតមកដល់ពេលនេះ ទើបក្រុមការងារក្រុម Spurs សម្រេចបានជោគជ័យក្នុងការនាំយកលោក Nuno មកដឹកនាំក្រុមបន្ដ ដោយមានកុងត្រារហូតដល់ឆ្នាំ២០២៣ឯណោះ។
អតីតអ្នកចាត់ការក្រុម Wolves ខាងលើនេះ ត្រូវបានលោក Levy ប្រធានក្រុម Spurs ថាជាមនុស្សមានសមត្ថភាព និងទម្រង់រៀបចំក្រុមល្អ។ លោក ជាអ្នកចូលចិត្តរៀបចំក្រុមប្រយុទ្ធ ដែលនឹងធ្វើឱ្យអ្នកគាំទ្រសប្បាយចិត្តក្នុងការទស្សនាមិនខាន៕ប្រភព៖ DailyMail
