Eric Cantona វីរបុរសបិសាចក្រហម បាននិយាយថាលោក Jose Mourinho ជាអ្នកចាត់ការល្អម្នាក់ ប៉ុន្តែមិនសក្ដិសមក្នុងការដឹកនាំក្រុម Manchester United ឡើយ។
ខ្សែប្រយុទ្ធម្ចាស់អាវលេខ៧ របស់បិសាចក្រហមបាននិយាយចំពោះការដឹកនាំរបស់លោក Jose លើក្រុម Man Utd ថា៖ “Jose Mourinho ជាអ្នកចាត់ការកំពូលម្នាក់ គាត់មានបច្ចេកទេសដឹកនាំក្រុមល្អ។
ប៉ុន្តែទាំងអស់នោះ មិនសមជាមួយក្រុមបិសាចក្រហមឡើយ។ សម្រាប់ខ្ញុំ បើ Man Utd ចុះកុងត្រាយក Pep មកដឹកនាំ នោះវាជារឿងល្អបំផុត និងជោគជ័យខ្លាំងជាក់ជាមិនខាន”។
Cantona ជឿជាក់ថា បិសាចក្រហមត្រូវការផ្លាស់ប្ដូរច្រើនទៀត ទើបអាចត្រលប់ទៅរកភាពជោគជ័យបាន។ ស្របពេលដែលបច្ចុប្បន្ននេះ ពួកគេហាក់ដូចជាបាត់បង់អ្វីមួយដែលពិបាកក្នុងការធ្វើឱ្យក្រុមទាំងមូលខ្លាំងណាស់។
សូមបញ្ជាក់ថា Man Utd រដូវកាលនេះកាន់តែពិបាកខ្លាំងនាដើមរដូវកាលនេះ ដោយធ្វើមិនសូវបានល្អឡើយ។
មានអ្នកគាំទ្រជាច្រើន ចង់ឱ្យក្លឹបបណ្ដេញអ្នកចាត់ការចេញ ហើយយកអ្នកថ្មី ជាពិសេសនោះគឺយក Zidane មកដឹកនាំតែម្ដង៕ប្រភព៖ DailyMail
