រាជនីខ្សែក្រវាត់ពិភពពលោក និងប្អូនស្រីបានចាប់ផ្តើមបានបញ្ចេញទស្សនៈជុំវិញព្រឹត្តិការណ៍ខ្សែក្រវាត់ពិភពលោក ONE Women’s Atomweight World Grand Prix។
;
ម្ចាស់ខ្សែក្រវាត់ពិភពលោក ONE Women’s Atomweight កីឡាការិនីសិង្ហបុរី “Unstoppable” Angela Lee ពិតជាចាប់អារម្មណ៍នឹងព្រឹត្តិការណ៍ប្រកួតខ្សែក្រវាត់នេះខ្លាំងណាស់ ពីព្រោះអ្នកឈ្នះនឹងត្រូវប្រកួតជាមួយនាង។
នៅពេលការប្រកួតជុំទី១ក្នុងវគ្គ៨នាក់មិនទាន់ចាប់ផ្តើម ជើងឯកពិភពលោកទើបសម្រាលកូនរូបនេះក៏បានដឹងខ្លួន និងស្គាល់ខ្លះហើយពីបេក្ខភាពដែលមានសក្តានុពលសម្រាប់នាង។ ក្នុងនោះកីឡាការិនី Denice “Lycan Queen” Zamboanga និងនារីខ្លាំងលេខ២របស់ចិន Meng Bo ពិតជាមានឆន្ទៈខ្ពស់ណាស់ក្នុងចំណោមបេក្ខនារីទាំង៨នាក់ ហើយអាចមានសមត្ថភាពដណ្តើមយកខ្សែក្រវាត់ពីនាង។
Zamboanga ត្រូវបានគេដឹងថា មានសង្គ្រាមពាក្យសំដីជាមួយ Lee កាលពីឆ្នាំមុន ខណៈ Meng ក៏មានគោលដៅចង់ប្រកួតជាមួយ Lee កាលពីខែមករា។
កីឡាការិនីចិនបាននិយាយថា ៖«Angela ជាគោលដៅសម្រាប់ខ្ញុំ។ ប្រសិនបើនាងមិនមែនជាជើងឯកពិភពលោក នាងនឹងមិនស្ថិតនៅលើរាដារបស់ខ្ញុំ។ ខ្ញុំមិនដឹងថា តើនាងជាជើងឯកពិភពលោក Atomweight World Champion រយៈពេលប៉ុន្មាន។ ប្រសិនបើ ONE Championship ផ្តល់ឱកាសឲ្យខ្ញុំប្រកួតខ្សែក្រវាត់ពិភពលោកលឿន ខ្ញុំអាចនឹងផ្តួលនាងបាន»។
រហស្សនាម”Unstoppable” បានឮពេញត្រចៀកហើយពីគូប្រជែងថ្មីរបស់ខ្លួន ប៉ុន្តែនៅពេលនេះនាងមិនទាន់ត្រៀមខ្លួនឡើយ។
Lee បាននិយាយថា ៖«និយាយត្រង់ចុះ វាគ្មានបញ្ហាទេសម្រាប់ខ្ញុំ»។
«ខ្ញុំពិតជាមិនខ្វល់ពីអ្វីដែល Denice ឬ Meng Bo និយាយទេ។ ខ្ញុំគិតថា ពួកគេចេះតែព្យាយាមបង្កើតដ្រាម៉ាដើម្បីបង្កើនការចាប់អារម្មណ៍ ហើយខ្ញុំអត់ខ្វល់ទេ។ ដូច្នេះខ្ញុំគិតតែផ្តោតលើខ្លួនឯង ផ្តោតការហ្វឹកហាត់ឡើងវិញ ហើយអ្នកដឹងទេ ខ្ញុំនឹងត្រៀមខ្លួនឲ្យរួចរាល់សម្រាប់ដៃគូប្រជែងថ្មីដែលជាម្ចាស់ជើងឯក Grand Prix Champion»។
ដោយសារ Zamboanga និង Meng ជាជើងខ្លាំងលំដាប់កំពូលទាំងពីរ ក៏អ្នកតាមដានមួយចំនួនរាប់បញ្ចូលទាំងកីឡាការិនីវ័យក្មេង Victoria “The Prodigy” Lee ក៏យល់ឃើញថា មានអ្នកផ្សេងស័ក្តិសមជាដៃគូដណ្តើមខ្សែក្រវាត់។
;
អ្នកផ្សេងនោះគឺ “Arale Chan” Seo Hee Ham ដែលជាអ្នកលេចមុខថ្មីនៅ ONE Championship ដែលស្ថិតនៅចំណាត់ថ្នាក់លេខ៤ក្នុងតារាងចំណាត់ថ្នាក់។ តារាប្រដាល់កូរ៉េរូបនេះជាអ្នកស្លាប់ដៃគូម្នាក់ដែលបានឈ្នះការប្រកួត៦លើកជាប់គ្នា និងឈ្នះជើងឯកមួយចំនួនហើយដែលបានក្លាយជាជើងខ្លាំងឈានមុខម្នាក់នៅអាស៊ី។
សម្រាប់ហេតុផលទាំងនោះ យុវតីជឿជាក់ថា “Arale Chan”នឹងឈ្នះពានរង្វាន់ Grand Prix និងបោះជំហានទៅជួបបងស្រីរបស់នាង។
យុវតី Victoria បាននិយាយថា ៖«ដៃគូដែលខ្ញុំគិតថា ឈានមុខគេគឺ Seo Hee Ham។ ខ្ញុំគិតថា នាងមានបទពិសោធច្រើនជាងគេ ហើយខ្ញុំគិតច្បាស់ណាស់ថា នាងនឹងឈ្នះពានរង្វាន់នេះ ហើយនឹងក្លាយជាដៃគូថ្មីរបស់បងស្រីខ្ញុំ»៕