ខ្សែបម្រើ Toni Kroos ហាក់មិនទាន់អស់ចិត្តនោះទេ ក្នុងការប្រកួតដែលបរាជ័យក្រោមថ្វីជើងក្រុមអង់គ្លេស ក្នុងលទ្ធផល ២-០ នៅវគ្គ១៦ក្រុមចុងក្រោយពានរង្វាន់ Euro 2020 នៅយប់មិញនេះ។
កីឡាករលេងឱ្យក្លឹប Real Madrid ខាងលើបាននិយាយថា៖ “អ្នកអាចស្រមៃមើលថាតើរសជាតិនេះជូរចត់ណាស់។ វាជាការប្រកួតដែលមានតុល្យភាពរហូតដល់ពួកគេរកបានគ្រាប់បាល់ដំបូង។ ក្រុមទាំងពីរ ធ្វើបានល្អដូចគ្នា។ អង់គ្លេស ស្ទើរតែគ្មានឱកាសទេ រហូតពួកគេរកបាន១គ្រាប់។ ទម្រង់លេងរបស់យើងរឹងមាំណាស់រហូតដល់គ្រាប់បាល់កើតឡើង និងផ្លាស់ប្ដូរគ្រប់យ៉ាង”។
អង់គ្លេស ត្រូវការរយៈពេល៥៥ឆ្នាំទម្រាំមានថ្ងៃនេះ យកឈ្នះលើក្រុមអាល្លឺម៉ង់ក្នុងការប្រកួតវគ្គចាញ់ធ្លាក់ ពានរង្វាន់ផ្លូវការបាន។ អ្នកគាំទ្រអង់គ្លេស លេងនៅកីឡដ្ឋាន Wembley ផងនោះ ពិតជាសប្បាយចិត្តរកអ្វីប្រៀបមិនបាននោះទេ សម្រាប់ជ័យជម្នះលើកនេះ៕ប្រភព Thesun
