លោក Alan Shearer មើលឃើញថាអង់គ្លេស មិនមានឱកាសណាល្អជាងឆ្នាំនេះ ក្នុងការឈ្នះពានរង្វាន់ធំ Euro 2020 នោះទេ បន្ទាប់ពីយកឈ្នះលើក្រុមអាល្លឺម៉ង់ក្នុងលទ្ធផល ២-០។
កាលពីយប់មិញនេះ ក្រុមអង់គ្លេសបានបង្ហាញសាច់ដុំឱ្យអ្នកគាំទ្ររបស់ខ្លួនឃើញនៅកីឡដ្ឋាន Wembley យកឈ្នះលើក្រុមអាល្លឺម៉ង់បានក្នុងលទ្ធផល ២-០។ ដោយ២គ្រាប់នោះ រកបានដោយកីឡាករ Sterling ១គ្រាប់ និង Harry Kane ១គ្រាប់។ ពួកគេនឹងឡើងទៅវគ្គ៨ក្រុមចុងក្រោយ ដោយប៉ះក្រុមអ៊ុយក្រែន នៅថ្ងៃសៅរនេះ។
ក្រោយពីទទួលបានឱកាសឡើងទៅវគ្គ៨ក្រុមចុងក្រោយនេះហើយ លោក Alan Shearer អតីតកីឡាករឆ្នើមម្នាក់ បានបង្ហាញចំណាប់អារម្មណ៍ថា៖ “ការចាប់គូប្រកួតមកដល់វគ្គនេះ អង់គ្លេសនឹងមិនមានឱកាសណាល្អជាងលើកនេះក្នុងការឈ្នះពានរង្វាន់ Euro នោះទេ។ ពួកគេលេងនៅ Wembley ភាគច្រើន ហើយវគ្គពាក់កណ្ដាល និងផ្ដាច់ព្រ័ត្រក៏លេងនៅទីនេះទៀត”៕ប្រភព Dailymail
