Luis Enrique គ្រូបង្វឹកក្រុមជម្រើសជាតិអេស្ប៉ាញ ថាករណីអ្នកគាំទ្រគម្រាមខ្សែប្រយុទ្ធ Morata នឹងត្រូវធ្លាក់ដល់ដៃប៉ូលិស ដើម្បីសើបអង្កេតរកមុខនិងចាត់វិធានការ។
Morata ក្រោយពីលេងមិនបានល្អនៅ Euro 2020 ឱ្យក្រុមជម្រើសជាតិអេស្ប៉ាញ មានអ្នកគាំទ្រមួយចំនួនមិនពេញចិត្តនោះទេ រហូតដល់មានអ្នកខ្លះគម្រាមសម្លាប់គ្រួសាររបស់គេថែមទៀត។ រឿងនេះ បានធ្វើឱ្យកីឡាករលេងនៅក្លឹប Juventus អារម្មណ៍មិនមូលនោះទេ រហូតដល់លោក Luis Enrique បានស្នើដល់ក្រុមប៉ូលិសសើបអង្កេតផងដែរ។
អ្នកចាត់ការអេស្ប៉ាញខាងលើបាននិយាយទៀតថា៖ “រឿងនេះមិនមែនជារឿងលេងសើចទេ វាគួរតែនៅដៃប៉ូលិស។ វាគួរតែត្រូវដោះស្រាយឱ្យបានលឿន ដើម្បីឱ្យកីឡាករមានសុវត្ថិភាព។ ខ្ញុំសង្ឃឹមថានឹងអាចរកមុខអ្នកនិយាយបែបនេះបានលឿន”។
សូមបញ្ជាក់ថាក្រុមជម្រើសជាតិអេស្ប៉ាញ នឹងត្រូវប្រកួតជាមួយក្រុមក្រូអាតនៅវគ្គ១៦ក្រុមចុងក្រោយនៅម៉ោង១១យប់នេះ។ វាជាការប្រកួតដ៏ជក់ចិត្តមួយសម្រាប់អ្នកគាំទ្រ ត្បិតអីអេស្ប៉ាញ ទើបតែយកឈ្នះលើក្រុមក្រូអាតក្នុងលទ្ធផល ៥-០ ហើយ៕ប្រភព Marca
