ក្រុមបែលហ្សិក បានយកឈ្នះលើក្រុមព័រទុយហ្គាល់ក្នុងលទ្ធផល ១-០ សម្រាប់វគ្គ១៦ក្រុមចុងក្រោយកាលពីយប់មិញនេះ។
លទ្ធផលនេះ បានធ្វើឱ្យក្រុមបែលហ្សិកឡើងទៅវគ្គ៨ក្រុមចុងក្រោយហើយ ដោយប៉ះជាមួយក្រុមអ៊ីតាលីដែលកំពុងឡើងជើងខ្លាំងមិនទាន់ស្គាល់បរាជ័យនោះទេ។ ការប្រកួតខាងមុខនេះ ទំនងជាពិបាកបន្តិចហើយ ខណៈ ដែលកីឡាករសំខាន់២នាក់របស់បែលហ្សិកបានរងរបួសកាលពីយប់មិញនេះទៅហើយ។
Kevin De Bruyne និង Eden Hazard បានប្ដូរចេញកាលពីយប់មិញដែលធ្វើឱ្យការប្រកួតទល់ក្រុមអ៊ីតាលីខាងមុខនេះ មិនច្បាស់ទាល់តែសោះ។ លោក Roberto Martinez គ្រូបង្វឹកក្រុមបែលហ្សិកនៅសល់ពេលត្រឹមតែ៤៨ម៉ោងប៉ុណ្ណោះដើម្បីព្យាបាល និងធានាថាកីឡាករទាំងពីរខាងលើអាចលេងបាន៕ប្រភព Dailymail
