ក្លឹបបាល់ទាត់ Everton កំពុងចរចានាំយកលោក Rafa Benitez មកដឹកនាំក្រុមបន្ដពីលោក Carlo Ancelotti ដែលបានចាកចេញទៅដឹកនាំក្រុម Real Madrid កាលពីពេលកន្លងទៅ។
ថ្នាក់ដឹកនាំក្រុម Everton បានជួបពិភាក្សាជាមួយលោក Benitez រួចទៅហើយ និងបានស្នើកុងត្រាដល់អតីតអ្នកចាត់ការក្រុម Liverpool ម្នាក់នេះផងដែរ។ ប្រភពបានបញ្ជាក់ថាប្រសិនបើមិនមានអ្វីប្រែប្រួលនោះ នោះនៅសប្ដាហ៍ក្រោយការចុះកុងត្រាដឹកនាំអាចនឹងកើតមានឡើងហើយ។
បុរសវ័យ៦១ឆ្នាំក៏បានកោះហៅក្រុមការងាររបស់ខ្លួនរូចរាល់ហើយផងដែរក្នុងការទទួលការងារថ្មីនេះ។ តែយ៉ាងណា អ្នកគាំទ្រក្រុម Everton មួយចំនួនហាក់មិនសប្បាយចិត្តជាមួយវត្តមានរបស់លោក Benitez ឡើយ។ ពួកគេបានចងបដាមិនស្វាគមន៍អ្នកចាត់ការរូបនេះនៅរបងកីឡដ្ឋានរូចទៅហើយ៕ប្រភពDailymail
