ក្រុមបិសាចក្រហម Manchester United កាន់តែកៀកយកបានខ្សែបម្រើស្លាប Sancho ពីក្រុម Dortmund ហើយ បន្ទាប់ពីក្លឹបទាំងពីរយល់ព្រមក្នុងតម្លៃ៧៧លានផោន។
ក្លឹបទាំងពីរបានចរចាគ្នាក្នុងការផ្ទេរកីឡាករអង់គ្លេសខាងលើនេះ ២ឆ្នាំមកហើយ ប៉ុន្តែមិនអាចសម្រេចបាន ព្រោះតម្លៃមិនត្រូវគ្នា។ តែនៅរដូវកាលនេះ ឃើញថាសង្ឃឹមច្រើនហើយ ក្រោយពីក្រុមអាល្លឺម៉ង់ Dortmund បានបញ្ចុះតម្លៃគេពីជាង១០០លានផោន មិនត្រឹម៧៧លានផោនប៉ុណ្ណោះ។ ការផ្ទេរទំនងជានឹងសម្រេចជាផ្លូវការក្រោយចប់ព្រឹត្តិការណ៍ Euro 2020 ។
ក្រុមបិសាចក្រហម Manchester United នៅមិនទាន់ទិញចូលកីឡាករណាម្នាក់នោះទេ ដោយពួកគេចង់បាន Sancho នេះម្នាក់ និងខ្សែការពារម្នាក់ទៀតមករួមក្រុមសម្រាប់រដូវកាលនេះ។ ដោយឡែកក្លឹបក៏ចង់បញ្ចេញកីឡាករច្រើននាក់ផងដែរ ដែលមិនស្ថិតក្នុងគម្រោងប្រើប្រាស់រដូវកាលក្រោយ៕ប្រភព Dailymail
