ជើងឯកពិភពលោក ONE Strawweightកីឡាករ Joshua “The Passion” Pacio ដឹងថា មានអ្នកជើងខ្លាំងច្រើនណាស់ដែលកំពុងចិញ្ចឹមចិត្តប្រកួតដណ្តើមខ្សែក្រវាត់ពិភពលោក ប៉ុន្តែនៅក្នុងក្រសែភ្នែកគេមានតែ២នាក់ប៉ុណ្ណោះ។
ទី១ដៃគូសត្រូវចាស់យូរអង្វែងរបស់ខ្លួនគឺកីឡាករ Yosuke “The Ninja” Saruta។ កីឡាករជប៉ុនរូបនេះធ្លាប់បានផ្តួល Pacio ធ្លាក់ចេញអធិរាជសង្វៀនម្តងហើយកាលពីខែមករា ឆ្នាំ២០១៩ដែលពេលនោះយកខ្សែក្រវាត់ពិភពលោក ONE Strawweight ទៅបាត់តាមរយៈជ័យជម្នះដោយពិន្ទុមិនឯកច្ឆន្ទ។
យ៉ាងណាគ្រប់គ្រងខ្សែក្រវាត់របស់ Saruta បានក្នុងរយៈពេលខ្លីប៉ុណ្ណោះ។ ៣ខែក្រោយមក អ្នកទាំងពីរបានជួបគ្នាម្តងទៀត ហើយកីឡាករហ្វីលីពីនបានយកខ្សែក្រវាត់មកគ្រប់គ្រងវិញ បន្ទាប់ពីផ្តួលឲ្យសន្លប់តាមរយៈជង្គង់ហោះចំក្បាល។
ចាប់តាំងពីពេលនោះ មក Saruta នៅតែនៅតែរក្សាភាពខ្លាំងរបស់ខ្លួនដោយឈរនៅចំណាត់ថ្នាក់លេខក្នុងតារាងចំណាត់ថ្នាក់ដោយបានផ្តួលកីឡាករ Daichi Kitakata និងឈ្នះជើងខ្លាំងលេខ២ Yoshitaka “Nobita” Naito ។កីឡាករអាយុ២៥ឆ្នាំបាននិយាយថា ៖«វានឹងរឹតតែអស្ចារ្យុ បើបានជួបគ្នាលើកទី៣។ យើងស្គាល់គ្នាទៅវិញទៅមកច្បាស់ ក្រោយប៉ះគ្នា២ដង។ គាត់ស្គាល់របៀបវ៉ៃរបស់ខ្ញុំ ហើយខ្ញុំស្គាល់គាត់។ ខ្ញុំគិតថា យើងទាំងពីរ បើនរណាម្នាក់អភិវឌ្ឍខ្លួនបានល្អ អ្នកនោះនឹងឈ្នះ បើប្រកួតលើកទី៣»។
ទី២កីឡាករ Bokang “Little Giant” Masunyane ក៏ស្ថិតនៅក្នុងក្រសែភ្នែករបស់ម្ចាស់ខ្សែក្រវាត់នេះដែរ។ ជើងខ្លាំងអាហ្វ្រិកខាងត្បូងបានធ្វើឲ្យពិភពលោកចាប់អារម្មណ៍យ៉ាងខ្លាំងសម្រាប់ការប្រកួតលើកដំបូងរបស់គាត់នៅ ONE ដែលពេលនោះបានយកឈ្នះដោយពិន្ទុដាច់លើជើងខ្លាំង Ryuto “Dragon Boy” Sawada កាលពីខែធ្នូ ឆ្នាំ២០១៩។
មួយឆ្នាំក្រោយមក Masunyane បានបង្ហាញជំនាញដ៏អស្ចារ្យដើម្បីបញ្ឈប់ខ្លាចាស់ Rene “The Challenger” Catalan តាមរយៈក្បាច់រឹត-កដោយប្រើពេលតែ៣៧វិនាទីប៉ុណ្ណោះ និងរក្សាកំណត់ត្រាជ័យជម្នះ៨-០ដោយមិនទាន់ស្គាល់បរាជ័យសោះ ហើយបានឡើងទៅកាន់ចំណាត់ថ្នាក់លេខ៣។
គោលដៅបន្ទាប់របស់ Masunyane គឺសម្លឹងឃើញខ្សែក្រវាត់ ONE Strawweight របស់ Pacio មិនខាន។ ដូច្នេះហើយបានជាតារាឆ្នើមនៅក្លឹប Team Lakay បានចាត់ទុកថា កីឡាករម្នាក់នេះជាឆ្អឹងទទឹងកសម្រាប់ខ្លួនហើយ។
“He’s very explosive. His athleticism is through the roof. He also has power in his hands,” Pacio និយាយថា ៖«គាត់វ៉ៃក្បាច់គ្រោះថ្នាក់ណាស់។ ស្មារតីពិតអង់អាច។ កម្លាំងដៃរបស់គាត់ពោរពេញដោយថាមពល»។
«គាត់ជាកីឡាករចំបាប់ម្នាក់ តែខ្ញុំដឹងថា គាត់អាចវ៉ៃបានល្អគ្រប់ក្បាច់ទាំងអស់ ហើយយើងបានឃើញហើយនៅពេលផ្តួល Rene Catalan។ អាវុធរបស់គាត់មានប្រសិទ្ធភាព និងថាមពលក៏ល្អ»។”Pacio បានបន្ថែមថា ៖«សម្រាប់ខ្ញុំ ការជួបគ្នាលើកទី៣ជាសាច់រឿងដែលមិនទាន់ចប់។ ខ្ញុំនឹងប្រកួតលើកទី៣ជាមួយ Saruta។ បន្ទាប់មកកីឡាករ Bokang អាចជាដៃគូដ៏អស្ចារ្យសម្រាប់ខ្ញុំ»៕