លោក Jose Mourinho ថាក្រុមជម្រើសជាតិព័រទុយហ្គាល់មានកីឡាករពោរពេញដោយសមត្ថភាព និងឈ្នះក្រុមណាក៏បានដែរ ប្រសិនបើលេង១១នាក់ដូចគ្នា។
ការអះអាងបែបនេះកើតឡើង បន្ទាប់ពីអ្នកចាត់ការក្រុម Roma មើលឃើញថាក្រុមជម្រើសជាតិរបស់ខ្លួនកន្លងមកនេះ លេង១១នាក់មែន ប៉ុន្តែដូចលេង១០នាក់អីចឹង។ Bruno Fernandes លេងជម្រើស១១នាក់មែន ប៉ុន្តែរូបគេមិនបានធ្វើអ្វីនោះទេ។ ចូលក្នុងទីលានប្រកួត ប៉ុន្តែខ្លួនគេហាក់ដូចជាខ្មោច មិនបានជួយក្រុមអ្វីសោះឡើយ។
អ្នកចាត់ការល្បីឈ្មោះខាងលើបានបន្ថែមថា៖ “យើងត្រូវការលេង១១នាក់ ប៉ុន្តែ២ប្រកួតកន្លងមក Bruno នៅលើទីលាន មិនបានលេងសោះ។ ខ្ញុំសង្ឃឹមថាគាត់នឹងត្រលប់មកវិញសម្រាប់ការប្រកួតទល់ក្រុមបារាំង ព្រោះគាត់ជាកីឡាករមានសក្កានុពលម្នាក់។ គាត់អាចបោះបាល់ រកគ្រាប់បាល់ និងអាចបង្កើតឱកាសជាបាល់ប៉េណាល់ទីបាន”៕ប្រភព៖ GOAL
