ខ្សែប្រយុទ្ធ Ousmane Dembele បានរងរបួសអំឡុងពេលលេងជាមួយក្រុមហុងគ្រី និងមិនអាចបន្ដជួយក្រុមបារាំងសម្រាប់ដំណើរទៅមុខទៀតក្នុងព្រឹត្តិការណ៍ Euro 2020 នេះបានទៀតទេ។
ក្រុមជម្រើសជាតិបារាំង បានបញ្ជាក់ថាខ្សែប្រយុទ្ធលេងនៅក្លឹប FC Barcelona រូបនេះ បានថត X-ray កាលពីថ្ងៃអាទិត្យកន្លងទៅ។ លទ្ធផលបញ្ជាក់មកថារូបគេមានបញ្ហារបួសជង្គង់ ធ្ងន់ធ្ងរ មិនអាចបន្ដលេងទៀតនោះទេ ពោលគឺត្រូវសម្រាកព្យាបាល។ ស្របពេលក្រុមបារាំង ក៏មានភារកិច្ចធំប៉ះក្រុមព័រទុយហ្គាល់នៅពេលខាងមុខនេះដែរ។
បើទោះជាអវត្តមាន Dembele ក៏មិនមែនជាបញ្ហាសម្រាប់បារាំងដែរ។ ក្រុមរបស់លោក Deschamp នៅមានខ្សែប្រយុទ្ធច្រើននាក់ទៀតដូចជា Antoine Griezmann, Karim Benzem , Kylian Mbappe, Olivier Giroud, Kingsley Coman និង Wissam Ben Yedder ជាដើម៕ប្រភព Bbc
