• Ramos ​៖ ខ្ញុំ​មិន​ខ្លាច​លេង​នៅ​ទឹក​ដី​អង់គ្លេស​ឡើយ

    ខ្សែ​ការពារ Sergio Ramos ​បាន​និយាយ​យ៉ាង​ច្បាស់​ថា​ខ្លួន​មិន​ខ្លាច​ក្នុង​ការ​លេង​នៅ​ទឹក​ដី​របស់​អង់គ្លេស​ឡើយ ​បើ​ទោះ​ជា​មាន​អ្នក​គាំទ្រ​ធ្លាប់​វាយ​ប្រហារ​ពាក្យ​សម្ដី​មក​លើ​ខ្លួន​ក៏​ដោយ។

    គេ​នៅ​ចាំ​បាន​ថា ​គ្រា​ដែល Ramos ​បង្ក​កំហុស​ទៅ​លើ Salah ​វគ្គ​ផ្ដាច់ព្រ័ត្រ UEFA Champions League ​នោះ ​មាន​អ្នក​គាំទ្រ​អង់គ្លេស​ជា​ច្រើន​មិន​សប្បាយ​ចិត្ត។ កត្តា​នេះ បាន​ធ្វើ​ឱ្យ​អ្នក​កាសែត​សួរ​នាំ​ចំពោះ​វត្តមាន​របស់​កីឡាករ​ប្រធាន​ក្រុម​អេស្ប៉ាញ​រូប​នេះ ​ពេល​មក​លេង​នៅ​ទឹក​ដី​អង់គ្លេស។

    Ramos ​បាន​ឆ្លើយ​តប​ថា​នោះ​មិន​មែន​ជា​រឿង​ដែល​ខ្លួន​ត្រូវ​គិត​ឡើយ។ ការ​ប្រកួត​រាត្រី​នេះ ​គឺ​ពិត​ជា​ស្វិតស្វាញ ប៉ុន្តែ​មិន​មែន​ខ្លួន​ជាមួយ​អ្នក​គាំទ្រ​ឡើយ គឺ​ក្រុម​អេស្ប៉ាញ ​ប៉ះ​អង់គ្លេស ​នៅ​កីឡដ្ឋាន Wembley ។

     

    អង់គ្លេស ​នឹង​ត្រូវ​ស្វាគមន៍​ក្រុម​អេស្ប៉ាញ នា​ការ​ប្រកួត​បើក​ឆាក​ពាន​រង្វាន់ UEFA Nations League ​នៅ​ម៉ោង​១:៤៥​នាទី​នេះ។ ដោយ​ក្រុម​អេស្ប៉ាញ ​នឹង​ដឹក​នាំ​ដោយ​គ្រូ​បង្វឹក​ថ្មី Luis Enrique ៕ប្រភព៖ DailyMail

     

     

    ភ្ជាប់ទំនាក់ទំនងជាមួយ CTS SPORT