ក្លឹបបង្ហាត់ប្រដាល់មួយថៃ និងកីឡដ្ឋាននៅក្នុងប្រទេសថៃចាប់ផ្តើមបើកដំណើរការបណ្តើរៗហើយដែលមានន័យថា អ្នកអាចធ្វើដំណើរកម្សាន្ត និងហាត់ប្រដាល់នៅទីនោះបាន។
ទោះបីជាយ៉ាងណា មានគោលការណ៍មួយចំនួន តម្រូវឲ្យអ្នកបំពេញឲ្យបានជោគជ័យ និងធ្វើចត្តាឡីស័កមុនពេលអ្នកអាចចេញពីកន្លែងស្នាក់នៅទៅហ្វឹកហាត់។។
ខាងក្រោមជាគោលការណ៍៦ជំហានដែលអ្នកត្រូវបំពេញដើម្បីទៅហាត់នៅថៃក្នុងសម័យកាលកូវីដ-១៩។
១-រយៈអាចស្នាក់នៅប្រទេសថៃ
មុនពេលចាប់ផ្តើមដំណើរការនៃការធ្វើដំណើរទៅកាន់ប្រទេសថៃ សំនួរទី១ដែលអ្នកត្រូវសួរខ្លួនឯងគឺតើអ្នកស្នាក់នៅទីនោះរយៈពេលប៉ុន្មាន?
បើអ្នកមានគម្រោងស្នាក់នៅតិចជាង៩០ថ្ងៃ និងបានទិដ្ឋាការមួយក្នុងចំណោមប្រទេសលើកលែងទិដ្ឋាការ អ្នកមិនចាំបាច់ត្រូវការទិដ្ឋាការទេ។
ទោះបីជាយ៉ាងណា បើអ្នកគ្រោងស្នាក់នៅច្រើនជាង៩០ថ្ងៃ ឬធ្វើដំណើរពីប្រទេសមួយដែលមិនមែនស្ថិតនៅក្នុងបញ្ជីលើកលែងទិដ្ឋាការរបស់ថៃ អ្នកត្រូវតែដាក់ពាក្យស្នើសុំទិដ្ឋាការទេសចរណ៍ពិសេស (STV)។
នៅពេលអ្នកសម្រេចលើរយៈពេលស្នាក់នៅ អ្នកត្រូវតែកក់សណ្ឋាគារដែលមានជម្រើសធ្វើចត្តាឡីស័ក្ និងទទួលបានធារ៉ាប់រងធ្វើដំណើរកូវីដ-១៩ មុនពេលអ្នកស្នើសុំទិដ្ឋាការ។
២-កក់សណ្ឋាគារដែលជាជម្រើសធ្វើចត្តាឡីស័ក
នៅពេលអ្នកទៅដល់ប្រទេសថៃ អ្នកត្រូវតែធ្វើចត្តាឡីស័ករយៈពេល១០ទៅ១៤ថ្ងៃ (អាស្រ័យលើប្រទេសដែលអ្នកមកពី) នៅក្នុងសណ្ឋាគារ ASQ។ រដ្ឋាភិបាលថៃមានបញ្ជីសណ្ឋាគារ ASQ ដើម្បីឲ្យអ្នកធ្វើការជ្រើសរើសបាន។
នៅពេលអ្នកទៅដល់ប្រទេសថៃ រថយន្តរបស់សណ្ឋាគារ ASQ នឹងទៅទទួលអ្នកពីព្រលានយន្តហោះទៅបន្ទប់សណ្ឋាគារដែលអ្នកនឹងឆ្លងកាត់ការធ្វើចត្តាឡីស័ក និងតេស្តកូវីដ-១៩។
បើអ្នកធ្វើតេស្តលទ្ធផលអវិជ្ជមាន បន្ទាប់ពីពីរបីថ្ងៃដំបូង អ្នកនឹងត្រូវអនុញ្ញាតឲ្យចេញពីបន្ទប់សណ្ឋាគារ ហើយអាចជ្រើសរើសទីកន្លែងដែលចង់ទៅនៅតំបន់សណ្ឋាគារបាន។
៣-ទទួលបានការធានាកូវីដ-១៩
បន្ទាប់ពីកក់សណ្ឋាគារ ASQ អ្នកត្រូវការធានារ៉ាប់រងសុខភាពដែលនឹងត្រូវមានទឹកប្រាក់ហោចណាស់ ១០ម៉ឺនដុល្លារអាមេរិកក្នុងការព្យាបាលកូវីដ-១៩ដែលអ្នកនឹងទទួលបាននៅប្រទេសថៃ និងត្រូវការជំនួយវេជ្ជសាស្ត្រ។
បន្ថែមលើនេះទៀត ការធានារ៉ាប់រងកូវីដ-១៩ គ្របដណ្តប់លើការស្នាក់នៅទាំងស្រុងនៅក្នុងប្រទេស។
អ្នកនឹងត្រូវបានបង្ហាញឯកសារថតចម្លងធានារ៉ាប់រងនៅពេលទៅដល់ប្រទេសថៃ និងនៅពេលដាក់ពាក្យស្នើសុំប័ណ្ណអនុញ្ញាតចូល (COE) ដែលនឹងមាននៅជំហានបន្ទាប់។
៤-ដាក់ពាក្យស្នើសុំលិខិតចូល
នៅពេលអ្នកធ្វើការកក់សណ្ឋាគារ ASQ និងទទួលបានការធានារ៉ាប់រងកូវីដ-១៩ ជំហានបន្ទាប់ អ្នកត្រូវដាក់ពាក្យដើម្បីស្នើសុំលិខិតអនុញ្ញាតចូលទឹកទឹកដីថៃ COE ដែលមាននៅលើវេបសាយផ្លូវការរបស់ថៃ COE។
សម្រាប់ដំណើរការដាក់ពាក្យមានពីរដំណាក់កាល។
ទីមួយ អ្នកត្រូវដាក់ (upload)ថតចម្លងលិខិតឆ្លងដែន ទិដ្ឋាការ និងឯកសារធានារ៉ាប់រងសុខភាព។ បន្ទាប់មក អ្នកនឹងទទួលបានការអនុញ្ញាតជាមុនដែលមានន័យថា អ្នកអាចទិញសំបុត្រយន្តហោះបាន។
នៅពេលអ្នកទិញសំបុត្រយន្តហោះបានហើយ អ្នកត្រូវដាក់បញ្ចូល (upload) សំបុត្រយន្តហោះក្នុងវេបសាយ COE ជាមួយលិខិតបញ្ជាក់កក់សណ្ឋាគារ ASQ ដើម្បីទទួលបាន COE ជាផ្លូវការ។
៥-ធ្វើតេស្តកូវីដ-១៩
រយៈពេល៧២ម៉ោងនៃការចាកចេញពីប្រទេសរបស់អ្នកឆ្ពោះទៅថៃ អ្នកត្រូវតែធ្វើតេស្តកូវីដ-១៩ និងទទួលបានលទ្ធផលអវិជ្ជមាន។ វេជ្ជបណ្ឌិតនឹងចេញប័ណ្ណ Fit To Fly។
អ្នកត្រូវតែកាន់ប័ណ្ណ Fit To Fly និងរាល់ឯកសារដើមពាក់ព័ន្ធនានាជាប់ខ្លួននៅពេលទៅព្រលានយន្តហោះ និងរៀបចំឲ្យបានត្រឹមត្រូវទាំងអស់ ដើម្បីបង្ហាញដល់អាជ្ញាធរនៅពេលទៅដល់ដីថៃ។
៦-ការធ្វើចត្តាឡីស័ក
បន្ទាប់ពីធ្វើចត្តាឡីស័ករយៈពេល១០ទៅ១៤ថ្ងៃ និងរយៈពេលអាស្រ័យលើអ្នកធ្វើតេស្តអវិជ្ជមានកូវីដ-១៩ ដូច្នេះលោកអ្នកត្រូវបានអនុញ្ញាតឲ្យចេញពីសណ្ឋាគារ និងចាប់ផ្តើមហ្វឹកហាត់បាន។
ទោះបីជាយ៉ាងណា ចាំថា មិនមែនសុទ្ធតែក្លឹបបង្ហាត់ប្រដាល់ទាំងអស់បើកដំណើរការពេញលេញទេ ដរាបណា ស្ថានភាពនៅប្រទេសថៃមិនទាន់វិលត្រឡប់មកប្រក្រតីវិញ៕