Fernando Santos គ្រូបង្វឹកក្រុមជម្រើសជាតិព័រទុយហ្គាល់ថាក្រុមរបស់លោក មិនមែនមានតែ Cristiano Ronaldo ម្នាក់នោះទេ ពោលគឺជាក្រុមសហការគ្នាបានល្អណាស់។
ក្រុមព័រទុយហ្គាល់ នឹងត្រូវប្រកួតជាមួយក្រុមអាល្លឺម៉ង់នៅរាត្រីនេះ សម្រាប់ការប្រកួតទី២នៃវគ្គសន្សំពិន្ទុពានរង្វាន់ Euro 2020 ។ ការប្រកួតទី១កន្លងទៅ ព័រទុយហ្គាល់បានយកឈ្នះលើក្រុមហុងគ្រីក្នុងលទ្ធផល ៣-០ រួចមកហើយ។ ខណៈដែលការប្រកួតរបស់អាល្លឺម៉ង់វិញ បានបរាជ័យក្រោមថ្វីជើងក្រុមបារាំង ១-០។
មុនការប្រកួតសំខាន់ឈានមកដល់នេះដែរ លោក Fernando Santos គ្រូបង្វឹកព័រទុយហ្គាល់បាននិយាយថា៖ “ព័រទុយហ្គាល់ជាក្រុម មិនមែនគ្រាន់តែ Cristiano Ronaldo ទេ។ ក្រុមយើងធ្វើការជាក្រុម។ ខ្ញុំតែងតែលើកទឹកចិត្តក្រុមទាំងមូល មិនថាអ្នកលេងលើទីលាន និងអ្នកអង្គុយកៅអីបម្រុងឡើយ”៕ប្រភព Marca
