កាលពីម្សិលមិញនេះ ក្លឹប Real Madrid បានធ្វើសន្នីសីទកាសែតពីការចាកចេញរបស់ប្រធានក្រុម Sergio Ramos ហើយ ក្រោយពីរួមរស់ជាមួយគ្នា១៦ឆ្នាំមកនេះ។
ក្នុងឱកាសនោះដែរ Ramos បានប្រាប់ហេតុផលមួយដែលរូបគេត្រូវចាកចេញថា៖ “រឿងមួយដែលខ្ញុំចង់ប្រាប់ គឺខ្ញុំមិនដែលចង់ចាកចេញពី Real Madrid នោះទេ ខ្ញុំតែងតែចង់បន្ដនៅទីនេះទៀត។ នៅមុននេះ ពួកគេបានផ្ដល់កុងត្រាឱ្យខ្ញុំ១ឆ្នាំ ហើយខ្ញុំចង់បាន២ឆ្នាំ។ ខ្ញុំបានទទួលយកសំណើរនេះ តែពួកគេបានប្រាប់ខ្ញុំថាវាហូសពេលទៅហើយ វាបានផុតកំណត់ហើយ”។
ជាមួយការចាកចេញនេះដែរ Ramos ក៏បានបញ្ជាក់ថាមិនទាន់ដឹងថានឹងត្រូវបន្ដអាជីពនៅក្លឹបណាទៀតនោះទេ។ Ramos ធ្លាប់ឈ្នះ Champions League និង Club World Cup ៤ដង, European Super Cups ៣ដង, La Liga ៥ដង, Copa del Reys ២ដងជាមួយ Real Madrid៕ប្រភព Marca
