លោក Roberto Mancini បានអះអាងថាក្រុមជម្រើសជាតិបារាំង ព័រទុយហ្គាល់ និងបែលហ្សិកគឺជាក្រុមមានភាគរយខ្ពស់ក្នុងការឈ្នះពានរង្វាន់ Euro 2020 ជាងក្រុមអ៊ីតាលីទៅទៀត។
ក្រុមអ៊ីតាលី បានឡើងទៅវគ្គ១៦ក្រុមចុងក្រោយហើយ បន្ទាប់ពីយកឈ្នះលើក្រុមស្វីសក្នុងលទ្ធផល ៣-០ កាលពីយប់មិញនេះ។ ខណៈដែលក្រុមដឹកនាំដោយលោក Mancini នេះកំពុងធ្វើបានល្អណាស់ ដោយមានកំណត់ត្រាឈ្នះ២៩ប្រកួតជាប់គ្នាមកហើយ និងបិទដៃគូមិនឱ្យស៊ុតចូល១០ប្រកួតចុងក្រោយថែមទៀតផង។
ត្បិតតែយ៉ាងនេះក្ដី លោក Mancini បាននិយាយថា៖ “ក្នុងពានរង្វាន់នេះ មានក្រុមខ្លាំងៗជាច្រើនដូចជា បារាំង ព័រទុយហ្គាល់ និងបែលហ្សិក មួយក្នុងចំណោមនេះគឺជាម្ចាស់ពានរង្វាន់ពិភពលោក និងមួយទៀតជាម្ចាស់ពានទ្វីបអឺរ៉ុប ហើយមួយទៀតលេខ១នៅ FIFA Rankig ។ ក្រុមទាំងអស់នេះ បានកសាងជាច្រើនឆ្នាំមកហើយ ហើយវាធម្មតាទេដែលពួកគេនឹងខ្លាំងជាងយើង ប៉ុន្តែគ្រប់យ៉ាងក៏មិនអាចប្រាកដបានដែរក្នុងវិស័យបាល់ទាត់”៕ប្រភពDailymail
