តារាទម្ងន់ Lightweight ដូចជា Pieter “The Archangel” Buist និង Timofey Nastyukhin កំពុងកោះហៅវីរបុរសអាមេរិក Eddie “The Underground King” Alvarez ដើម្បីប្រកួតគ្នាក្នុងដំណើរឈានទៅដណ្ដើមខ្សែក្រវាត់ពិភពលោកទល់នឹង Christian “The Warrior” Lee នាពេលខាងមុខ។
ថ្មីៗនេះ Alvarez ដែលអតីតម្ចាស់ខ្សែក្រវាត់ UFC និង Bellator Lightweight World Champion បានសរសេរលើបណ្ដាញសង្គមថាចង់ប្រកួតជាមួយ Lee ។ចំនែក Buist ក៏យល់ព្រមលើគំនិតរបស់ “The Warrior” ដែលប្រកួតមួយចំនួនទៀតសិន។តារាលំដាប់ទី៣ ទម្ងន់ lightweight ចាញ់ដោយថ្វីដៃ Nastyukhin កាលខែតុលា ហើយ Buist ជឿថា “The Underground King” ត្រូវតែឈ្នះឡើងវិញមុនពេលឈានជើងចូលទៅប្រកួតខ្សែក្រវាត់។
«ទោះ Eddie Alvarez គឺជាវីរបុរស ប៉ុន្តែ គេឈ្នះតែម្ដង និង ៣ ដងធ្វើមិនបានល្អកន្លងមកនេះ។ ដូច្នេះ អ្នកត្រូវតែធ្វើការងារឲ្យច្រើនថែមទៀតដើម្បីស្វែងរកកន្លែងឆ្ពោះទៅដណ្ដើមខ្សែក្រវាត់»។ តារាហូឡង់បានបង្ហោះវីដេអូនៅ Instagram បែបនេះ (កំណត់ត្រារបស់ Alvarez នៅសង្វៀន ONE ថ្មីៗនេះឈ្នះ ១ និងចាញ់ ២ដង (អត់បានប្រកួត ១ដង)។
កាលកន្លងទៅ Buist ជាគូប្រជែងដែលត្រូវប៉ះ “The Underground King” យូរមកហើយតាំងពីចូលប្រឡូកនៅសង្វៀន ONE កាលខែតុលាឆ្នាំ ២០១៨ ឯណោះ។
បុរសវ័យ ៣៧ ឆ្នាំមកពីរដ្ឋ Philadelphia បង្ហាញខ្លួនដំបូងចាញ់ Nastyukhin ក្រោយយកឈ្នះអតីតម្ចាស់ខ្សែក្រវាត់ ONE Lightweight World Champion កីឡាករ Eduard “Landslide” Folayang និងប្រកួតខុសលក្ខ័ន្តិកៈលើជើងខ្លាំងលំដាប់ទី ៤ Iuri Lapicus (ឲ្យចាញ់), និងបន្ទាប់មកទៀតចាញ់កីឡាករលំដាប់ទី៣ កូរ៉េ Ok Rae Yoon កាលខែមេសា សឹងមិនគួរឲ្យជឿ។
ប៉ុន្តែ Alvarez បដិសេធនឹងការសម្រេចចិត្តនេះ ដោយគេគិតថាអាចផ្ដួល Lapicus ឲ្យសន្លប់បាន និង អាចឈ្នះគ្រប់គ្រាន់លើ Ok។យ៉ាងណាក្ដី “The Archangel” គិតថា កីឡាករអាមេរិកត្រូវធ្វើឲ្យប្រសើរឡើងសិន បើចង់ឡើងចំណាត់ថ្នាក់ខ្ពស់ទម្ងន់ lightweight។Buist បន្ថែមថា ៖«Eddie , បើអ្នកចង់ប្រកួត សូមធ្វើបែបនេះ»។ជាមួយគ្នានោះ Nastyukhin ក៏បង្ហាញអារម្មណ៍ដូច Buist ផងដែរ។
«ហេ Eddie អ្នកត្រូវតែធ្វើខ្លួនឲ្យមានតម្លៃសម្រាប់ការប្រកួតដណ្ដើមខ្សែក្រវាត់។ យ៉ាងហោចណាស់អ្នកត្រូវតែឈរលំដាប់លេខ៥ នៃទម្ងន់ lightweight ផងដែរ»។ កីឡាកររុស្សីថ្លែងយ៉ាងដូច្នេះ។
តារាលំដាប់លេខ៥ lightweight ដឹងច្រើនអំពី Alvarez និង Lee។ Nastyukhin បានផ្ដួល “The Underground King” ឲ្យសន្លប់កាលឆ្នាំ ២០១៩ មុនពេលចាញ់ Lee ក្នុងការប្រជែងខ្សែក្រវាត់ ONE Lightweight World Title កាលខែ មេសាឆ្នាំមុន។ដោយមានការតាំងចិត្ត តារារុស្សី មានពាក្យពេចន៍មួយចំនួនចំពោះម្ចាស់ខ្សែក្រវាត់។
«Christian ខ្ញុំប្រាប់ដល់អ្នក បើសិនអាជ្ញាកណ្ដាលមិនបញ្ឈប់ការប្រកួតលឿនទេ បើមិន ការប្រកួតអាចខុសប្លែកគ្នា ១០០%។ ខ្ញុំនឹងត្រលប់ទៅរកអ្នកជាថ្មីម្ដងទៀត»។ Nastyukhin សង្កត់ធ្ងន់បែបនេះ។