Zidane ​៖ Benzema ​ជា​កីឡាករ​សំខាន់​ណាស់​សម្រាប់​ក្រុម Real Madrid

Zidane ​អតីត​អ្នក​ចាត់កា​ក្រុម Real Madrid ​បាន​បញ្ជាក់​ថា​ខ្សែ​ប្រយុទ្ធ Karim Benzema ​គឺ​ជា​កម្លាំង​សំខាន់​បំផុត​ក្នុង​ក្រុម​មិន​អាច​ខ្វះ​បាន​ឡើយ។

Benzema ​កំពុង​តែ​បង្ហាញ​សមត្ថភាព​បាន​ល្អ​មែនទែន ​នា​រដូវ​កាល​នេះ ​ក្រោយ​ពី​អវត្តមាន​របស់ Cristiano Ronaldo ​ទៅ។ ជាមួយ​នឹង​ទម្រង់​លេង​ល្អ​នេះ​ដែរ  Zidane ​ដែល​ជា​អតីត​អ្នក​ចាត់ការ​ក្រុម Real Madrid ​បាន​និយាយ​ចំពោះ​កីឡាករ​បារាំង​ដែរ​ថា​៖ “Karim ​ជា​មនុស្ស​សំខាន់ ​ដើម្បី​ឱ្យ​ក្រុម​មាន​តុល្យភាព​នៅ​តំបន់​ប្រយុទ្ធ។ គាត់​បាន​ជួយ​តំបន់​ប្រយុទ្ធ​បាន​ច្រើន ​និង​ជា​កីឡាករ​លេង​ដោយ team Work ​បំផុត។ នេះ​ជា​ចំណុច​ល្អ​របស់​គាត់ ដែល​ធ្វើ​ឱ្យ​គាត់​នៅ Real ​បាន​ច្រើន​ឆ្នាំ”។

ជាមួយ​គ្នា​នេះ​ដែរ ​អ្នក​ចាត់ការ​ដែល​ធ្លាប់​ដឹក​នាំ​ក្រុម Real Madrid ​លើក​ពាន UEFA Champions League ​បាន​៣​ឆ្នាំ​ជាប់​គ្នា​នោះ ​និយាយ​ទៀត​ថា​ក្នុង​ក្រុម​ទាំង​មូល Ramos ​គឺ​ជា​ប្រធាន​ក្រុម​ធ្វើ​បាន​ល្អ​ណាស់។ មិន​​ត្រឹម​ដឹក​នាំ​ក្រុម​ក្នុង​ទីលាន​ប្រកួត​ទេ ​នៅ​ខាង​ក្រៅ​ក៏​រូបគេ​មាន​អត្តចរិត​ជា​អ្នក​ដឹក​នាំ​ល្អ​ម្នាក់​ដែរ៕ប្រភព៖​Marca

 

 

ភ្ជាប់ទំនាក់ទំនងជាមួយ CTS SPORT