ខ្សែប្រយុទ្ធ Karim Benzema បានចេញមុខមកអះអាងថារូបគេជាសះស្បើយ១០០% និងអាចចូលលេងពានរង្វាន់ Euro 2020 ខាងមុខនេះបានហើយ។
Benzema ត្រូវបានកោះហៅចូលជម្រើសជាតិបារាំងវិញ ក្រោយខកខានតាំងពីឆ្នាំ២០១៥មក។ យ៉ាងណាមិញ អំឡុងពេលប្រកួតមិត្តភាពកន្លងទៅនេះ កីឡាករវ័យ៣៣ឆ្នាំនេះបានរងរបួសជង្គង់ដែលតម្រូវឱ្យប្ដូរចេញភ្លាមៗតែម្ដង។ ការរងរបួសនោះ បានធ្វើឱ្យអ្នកគាំទ្របារម្ភជាខ្លាំង ខ្លាចខ្សែប្រយុទ្ធរូបនេះមិនអាចចូលលេងបាន។
យ៉ាងណាមិញ ពេលនេះ Benzema បានចេញមុខមកអះអាងដោយខ្លួនឯងថា៖ “ខ្ញុំធម្មតាទេ ខ្ញុំបានចាប់ផ្ដើមហ្វឹកហាត់ជាមួយក្រុមវិញកាលពីម្សិលមិញនេះ។ វាមិនមានឈឺចាប់អ្វីឡើយ។ ខ្ញុំមានអារម្មណ៍ល្អ ខ្ញុំបានធ្វើការហាត់នៅកន្លែងហាត់ប្រាណ ខ្ញុំ១០០%ហើយសម្រាប់ការលេង Euro នេះ”៕ប្រភព Goal
