ការប្រកួតនៅពូល C ក៏បានបញ្ចប់ជុំទី ១ រួចរាល់ហើយ ជាលទ្ធផលយើងរកឃើញក្រុមឈ្នះ ២ និងចាញ់ ២ កាលពីយប់មិញ។ នោះគឺក្រុមអូទ្រីសបានយកឈ្នះ ៣-១ ទៅលើម៉ាសេដូនីខាងជើង ហើយហូឡង់យកឈ្នះអ៊ុយក្រែន ៣-២។
ទៅមើលការលេងរបស់អូទ្រីស ទល់ម៉ាសេដូនីខាងជើង ឃើញថាជក់ចិត្តដោយក្រុមទាំងពីរដ្បិតមានសាច់បាល់លេងខុសគ្នា តែមានការសម្រុកទៅមកឥតឈប់ តាំងពីដើមតង់ដល់ចុងតង់។ អូទ្រីសគ្រប់គ្រងបាល់ ៦៣ ភាគរយ ស៊ុត ១០ លើក ចំគោលដៅ ៦ លើក រកបានគ្រាប់បាល់នៅនាទី ១៨ ដោយកីឡាករ Stefan Lainer ហើយនៅនាទី ៧៨ ដោយ Michael Gregoritsch និងនាទី ៨៩ ដោយ Marko Amautovic។
រីឯម៉ាសេដូនីខាងជើង គ្រប់គ្រងបាល់ ៣៧ ភាគរយ ស៊ុត ៧ លើក ចំគោលដៅ ២ លើក នាមជាក្រុមទើបឡើងមក Euro ជាលើកដំបូង ក៏ឆ្មក់បានបាល់ដែលបង្កកំហុសដោយខ្សែការពារ&អ្នកចាំទីរបស់អូទ្រីសនៅនាទី ២៨ ដែលជាការស៊ុតរបស់ Goran Pandev មួយគ្រាប់ផងដែរ។
ទស្សនាវីដេអូខាងក្រោម៖
https://www.youtube.com/watch?v=17AQyEWK7d0
ទៅមើលហូឡង់ឯណោះវិញ ក៏គ្របលើអ៊ុយក្រែនប្រហែលគូខាងលើអ៊ីចឹងដែរ ដោយគ្រប់គ្រងបាល់ ៦២ ភាគរយ ស៊ុត ១៥ លើក ចំគោលដៅ ៧ លើក គ្រាប់បាល់ធ្វើបានដោយកីឡាករ Georginio Wijnaldum, Wout Weghort និង Denzel Dumfrires នៅនាទី ៥២, ៥៨ និង ៨៥។
ដូចគ្នាទៅនឹងហូឡង់ ខាងអ៊ុយក្រែនក៏អាចបង្កើតគ្រាប់បាល់ពីរគ្រាប់របស់ខ្លួននៅនាទី ៧៥ និង ៧៩ ប្រហែលគ្នានោះដែរ ធ្វើបានដោយ Andriy Yarmolenko និង Roman Yaremchuk៕
ទស្សនាវីដេអូខាងក្រោម៖
https://www.youtube.com/watch?v=o-VYtVubOtk