ការប្រកួតបើកឆាកនៅពូល D រវាងក្រុមជម្រើសជាតិអង់គ្លេស និងក្រូអាតបានបញ្ចប់ទៅហើយកាលពីយប់មិញ ជាលទ្ធផលក្រុមតោកំណាចបានយកឈ្នះទៅលើក្រុមអណ្តាតភ្លើងក្រហម ដោយលទ្ធផល ១-០។
ស្ថិតិនៃការប្រកួតរបស់ពួកគេមិនជាលើសខ្វះគ្នានោះទេ ដោយការគ្រប់គ្រងបាល់អង់គ្លេសមានតិចជាងផង ពោល ៤៩ ភាគរយ ធៀបនឹងក្រូអាតគឺ ៥១ ភាគរយ។ រីឯការស៊ុតគឺ មាន ៨ លើក ដូចគ្នា ហើយចំគោលដៅ ២ លើកក៏ដូចគ្នា គ្រាន់ថាខាងអង់គ្លេសមានឱកាសស្រួចស្រាល់ច្រើនជាង។ រហូតមកដល់នាទី ៥៧ ទើប Raheem Sterling មានឱកាសវាយបកជាមួយមិត្តរួមក្រុម និងស៊ុតបាល់ក្នុងប្រអប់បញ្ចប់ទីយ៉ាងល្អ។ លទ្ធផលនេះបានរក្សាដល់ចប់ការប្រកួត ហើយបើទោះបីក្រូអាតព្យាយាមសម្រុកប៉ុណ្ណា ក៏មិនអាចតាមស្មើនោះដែរ។
ទស្សនាវីដេអូខាងក្រោម៖
https://www.youtube.com/watch?v=isf8TiKDpjA
បញ្ជាក់ថាក្នុងពូល D នៅជុំទី ១ អង់គ្លេសឈរលេខ ១ ខណៈក្រូអាតឈរលេខ ៤ ហើយយើងនឹងរង់ចាំមើលមួយគូផ្សេងទៀតនៅយប់នេះមានផ្សាយផ្ទាល់លើទំព័រ CTS Sports រវាងសាធារណរដ្ឋឆែក និងស្កុតឡែន៕