បន្ទាប់ពីប្រកួតប្រជែងខ្សែក្រវាត់ពិភពលោក ONE Flyweight រួចមក ជើងខ្លាំងអាមេរិក Demetrious “Mighty Mouse” Johnson ព្រលយសំដីចាប់អារម្មណ៍នឹងជំនាញប្រដាល់ឃីកបុកសីង ONE Super Series។
អ្នកគាំទ្រទូទាំងពិភពលោកពិតជាចាប់អារម្មណ៍យ៉ាងខ្លាំងចំពោះចំណាប់អារម្មណ៍ចង់បន្ថែមអាជីពវ៉ៃឈររបស់កំពូលអ្នកប្រដាល់អាមេរិករូបនេះដែលជាជើងឯកគុនចម្រុះពិភពលោក១២ដង។
បុគ្គលល្បីៗជាច្រើនក៏បានចាប់អារម្មណ៍ដែរ ប៉ុន្តែក្នុងចំណោមនោះមានអធិរាជសង្វៀនមួយថៃពិភពលោក ONE Flyweight មនុស្សដែក Rodtang “The Iron Man” Jitmuangnonក៏ចាប់អារម្មណ៍មិនស្ទើរដែរ។
Rodtang បាននិយាយថា ៖«ខ្ញុំពិតជារីករាយស្វាគមន៍គាត់ខ្លាំងណាស់។ ប៉ុន្តែវាអាស្រ័យទៅលើ ONE ជាអ្នករៀបចំ។ បើនិយាយជាបុគ្គល ខ្ញុំចង់ប្រកួតជាមួយកីឡាករខ្លាំងៗពីព្រោះវានឹងបានបទពិសោធថ្មីៗថែមទៀតក្នុងនាមជាកីឡាករ»។
Rodtang ដែលបានបង្កើតកេរ្តិ៍ឈ្មោះល្បីល្បាញ និងជាកីឡាករប្រដាល់មួយថៃដ៏គ្រោះថ្នាក់ម្នាក់ក្នុងលោកទើបតែបានចូលប្រឡូកអាជីពប្រដាល់ឃីកបុកសីងលើកដំបូង។ ការប្រកួតនោះកាលពីខែកុម្ភៈដែលមនុស្សដែករូបនេះបានជួបកីឡាករថ្មី“Samingpri” Tagir Khalilov នៅព្រឹត្តិការណ៍ប្រកួត ONE: FISTS OF FURY និងបានដើរចេញពីសង្វៀនក្រោយពេលអាជ្ញាកណ្តាលលើកដៃរូបគេឡើងដើម្បីទទួលបានជ័យជម្នះ។
ការប្រកួតនោះ Rodtang បានទុកអាវុធមួយថៃរបស់ខ្លួន និងប្រើតែកណ្តាប់ដៃ និងទាត់ប៉ុណ្ណោះដើម្បីស្វែងរកជ័យជម្នណះ។ប្រៀបធៀបជាមួយ Johnson កាលៈទេសៈអាចនឹងខុសគ្នាខ្លាំង។ កីឡាការអាមេរិកពោរពេញដោយជំនាញក្រោម ជាពិសេសក្បាច់ឃ្លេ និងចាប់ផ្តួល។ Rodtang ទទួលស្គាល់ថា ៖«គាត់មានប្រៀបខ្លាំងខាងល្បឿន។ ខ្ញុំនឹងព្យាយាមអស់ពីសមត្ថភាពដើម្បីឈ្នះ តែខ្ញុំមិនអាចនិយាយបានថា ខ្ញុំផ្តួលគាត់បានទេ ពីព្រោះគាត់មានចលនាលឿនណាស់»។
នៅពេល “មនុស្សយន្ត”មិនប្រាកដថា គាត់អាចបញ្ឈប់ Johnson ដោយក្បាច់វ៉ៃឃីកបុកសីងបាន គាត់ក៏គាត់ថា ខ្លាចាស់ជំនាញគុនចម្រុះពិតជាអាចផ្តួលបាន។ តាមពិតទៅ តារាប្រដាល់ថៃ នេះបានកត់សំគាល់ពីសមាសធាតុដែលគាត់ប្រហែលជាទទួលបានផលចំណេញច្រើន ប្រសិនបើបានជួបប្រកួតគ្នាមែន។
Rodtang និយាយថា ៖«ខ្ញុំបានមើលគាត់ប្រកួត។ គាត់មានជំនាញច្បាស់ និងលឿនណាស់ តែខ្ញុំអាចឃើញពីចំណុចខ្សោយរបស់គាត់ក្នុងការប្រកួតចុងក្រោយចាមួយ Moraes។ ប្រសិនដៃគូរបស់គាត់តទល់ជាមួយតាមផែនការរបស់គាត់ វានឹងចប់ដែលយើងធ្លាប់ឃើញ»។
កីឡាករថៃនៅក្លឹប Jitmuangnon បានយោងទៅលើការប្រកួតរបស់ Johnson ក្នុងការដណ្តើមខ្សែក្រវាត់ពិភពលោកពីកីឡាករប្រេស៊ីល Adriano “Mikinho” Moraes នៅព្រឹត្តិការណ៍ “ONE on TNT I”កាលពីខែមេសាកន្លងទៅដែលពេលនោះ Moraes បានប្រើជង្គង់បុក រួចថែមប៉ុន្មានដៃលើកីឡាករអាមេរិកដែលបណ្តាលឲ្យអាជ្ញាកណ្តាលបញ្ឈប់ការប្រកួត។
ពិតណាស់ ជំនាញឃីកបុកសីងពិតជាខុសប្លែងឆ្ងាយពីការប្រកួតគុនចម្រុះ ហើយជង្គង់មិនត្រូវបានអនុញ្ញាតឲ្យប្រើទេ។ក្នុងករណីដែលកីឡាករថៃម្នាក់នេះប្រកាន់ភ្ជាប់ក្នុងនាមជាជើងឯកពិភពលោកដ៏លេចធ្លោម្នាក់ ប្រសិនបើគាត់ពិតជាអាចបានជួប Johnson នៅថ្ងៃណាមួយ។
Rodtang បន្ថែមថា ៖«ខ្ញុំមានប្រៀបលើគាត់ ពីព្រោះខ្ញុំមានបទ ពិសោធវ៉ៃប្រដាល់សកលច្រើនណាស់»៕