អ្នកចាំទី Gianluigi Donnarumma នឹងចុះកុងត្រាជាមួយក្រុម PSG នាចុងសប្ដាហ៍នេះហើយ បន្ទាប់ពីរូបគេបានសម្រេចចិត្តចាកចេញពីក្រុម AC Milan ។
Donnarumma បច្ចុប្បន្នកំពុងលេងឱ្យក្រុមជម្រើសជាតិអ៊ីតាលី នាព្រឹត្តិការណ៍ Euro 2020 ។ ខណៈដែលយប់មិញនេះ រូបគេបានរក្សាសំណាញ់ទីមិនឱ្យក្រុមទូរគីស៊ុតចូលថែមទៀត ហើយប៉ុន្មានប្រកួតចុងក្រោយនេះក៏ដូចគ្នា។ ការធ្វើបានល្អនេះដែរ ទើបបានជាក្រុម PSG ប្រញាប់ប្រញាល់មែនទែនដើម្បីចុះកុងត្រាយក។
ប្រភពបានបញ្ជាក់ថាអ្នកចាំទីវ័យ២២ឆ្នាំខាងលើនេះ នឹងធ្វើតេស្ដនៅចុងសប្ដាហ៍នេះហើយ បន្ទាប់មកនឹងចុះកុងត្រាយកតែម្ដង។ Donnarumma មានកំណត់ត្រាល្អណាស់ ដោយរូបគេជាប់ជាកីឡាករក្មេងជាងគេលេងឱ្យជម្រើសជាតិអ៊ីតាលីទាំងក្រុម U21 និងឈុតធំ៕ Dailymail
