ក្រុមជម្រើសជាតិអេស្ប៉ាញ នឹងទទួលការចាក់វ៉ាក់សាំងកូវីដ១៩ មុនលេងពានរង្វាន់ Euro 2020 នាពេលខាងមុខនេះ។
អេស្ប៉ាញប៉ុន្មានថ្ងៃមកនេះ មិនបានហ្វឹកហាត់នោះទេ ដោយសារតែ Sergio Busquets បានឆ្លងមេរោគកូវីដ១៩ ដែលតម្រូវឱ្យក្រុមទាំងមូលផ្អាក និងធ្វើចត្តាឡីស័កសិន។ ក្រោយពីធ្វើតេស្ដអវិជ្ជមានហើយ ពួកគេក៏នឹងតម្រូវឱ្យចាក់វ៉ាក់សាំងការពារកូវីដ១៩ផងដែរ។
ការចាក់វ៉ាក់សាំងនេះបានធ្វើឱ្យលោក Luis Enrique ព្រួយបារម្ភជាខ្លាំងព្រោះការប្រកួតកៀកមកដល់ទៅហើយ។ លោកព្រួយចិត្តខ្លាចកីឡាករមិនសូវមានកម្លាំងពេញលេញ ព្រោះក្រោយចាក់វ៉ាក់សាំងពួកគេតម្រូវឱ្យសម្រាកសិនទៀតដែរ។ ក្រុមអេស្ប៉ាញ ស្ថិតនៅពូល E ជាមួយក្រុមស៊ុយអែត ប៉ូឡូញ និងស្លូវ៉ាគី៕ប្រភព Dailymail
