លោក Senol Gunes គ្រូបង្វឹកក្រុមជម្រើសជាតិទួរគី មានទំនុកចិត្តថាក្រុមរបស់លោកនឹងអាចយកឈ្នះលើក្រុមជម្រើសជាតិអ៊ីតាលីនៅរាត្រីនេះបាន។
ព្រឹត្តិការណ៍ Euro នឹងបើកដំណើរការនៅរាត្រីនេះហើយ ដោយគូបើកឆាកនោះគឺជម្រើសជាតិទូរគី ប៉ះជាមួយក្រុមអ៊ីតាលីនៅវេលាម៉ោង២រំលងអាធ្រាត្រនេះ។ ដោយការប្រកួតនេះដែរ ត្រូវបានគេរំពឹងថាក្រុមអ៊ីតាលី ដែលកំពុងធ្វើបានល្អឈ្នះ៨ប្រកួតជាប់គ្នានោះ មានប្រៀបជាងទួរគីច្រើន។
តែផ្ទុយទៅវិញ លោក Senol Gunes គ្រូបង្វឹកក្រុមជម្រើសជាតិទួរគីបាននិយាយថា៖ “Mancini ស្គាល់ក្រុមទួរគីច្បាស់ ព្រោះគាត់ធ្លាប់ដឹកនាំក្រុម Galatasaray ។ គាត់មានកីឡាករល្អច្រើន។ យើងមិនមែន ជាក្រុមភាគរយច្រើនអាចលេខ១ក្នុងពូលទេ ប៉ុន្តែខ្ញុំចូលចិត្តការដល់វគ្គផ្ដាច់ព្រ័ត្រ និងប៉ះអ៊ីតាលីនេះ។ ខ្ញុំជឿជាក់ ទួរគី អាចឈ្នះអ៊ីតាលីបាន”៕ប្រភព Football
