ក្នុងការប្រកួតជាមួយ Bayern Munich យប់មិញនេះ គេឃើញថាក្រុម Real Madrid សំណាងមែនទែន ដែលមានអ្នកចាំទី Navas ជួយសង្គ្រោះបាល់គ្រោះថ្នាក់បានច្រើន។
លោក Heynckes អ្នកចាត់ការក្រុម Bayern Munich ក៏យល់ឃើញដូចខាងលើនេះផងដែរ។ លោក គិតថាក្រុម Real មានសំណាងក្នុងការប្រកួតយប់មិញ ហើយពួកគេគួរតែអរគុណដល់ Navas ដែលបានជួយសង្គ្រោះគ្រាប់បាល់ច្រើនមែនទែន តាំងពីជើងទី១មក។
“ខ្ញុំគិតថាយើងជាក្រុមធ្វើបានល្អជាង Real ប៉ុន្តែចុងក្រោយយើងមិនអាចឈ្នះបាន។ វាជារឿងសង្ឃឹមមួយដែលមិនបានទៅដល់វគ្គផ្ដាច់ព្រ័ត្រ។ នេះជាការប្រកួតស្វិតស្វាញ ស្របពេលយើងបាត់កីឡាករសំខាន់ដល់ទៅ៥នាក់ទៀតនោះ ទើបធ្វើឱ្យឱកាសរបស់ Real Madrid កាន់តែមានច្រើន។ ទោះជាយ៉ាងណា ពួកគេគួរតែអរគុណដល់ Navas ទៅ សម្រាប់ការឡើងទៅវគ្គបន្ដ”។ សម្ដីរបស់ Heynckes។
ក្រុម Bayern Munich ធ្លាក់ក្រោមថ្វីជើងរបស់ Real Madrid ៣ដងហើយនៅពានរង្វាន់ UEFA Champions League នេះ។ ស្របពេលដែល Real Madrid វិញ បានឡើងទៅវគ្គផ្ដាច់ព្រ័ត្រ៣ឆ្នាំជាប់គ្នាតែម្ដង៕
