ក្រុមបាល់ទាត់ជម្រើសជាតិព័រទុយហ្គាល់ បានយកឈ្នះលើក្រុមអ៊ីស្រាអែល ក្នុងលទ្ធផល ៤-០ សម្រាប់ការប្រកួតមិត្តភាពកាលពីយប់មិញនេះ។
ដើម្បីជាការត្រៀមចូលលេងព្រឹត្តិការណ៍ Euro 2020 ក្រុមព័រទុយហ្គាល់បានប្រកួតមិត្តភាពចុងក្រោយរបស់ខ្លួនជាមួយក្រុមជម្រើសជាតិអ៊ីស្រាអែល។ ដោយក្នុងនោះក្នុងការប្រកួតនោះ នៅតង់ទី១ ពួកគេរកបាន២គ្រាប់ ដោយ Bruno នៅនាទី៤២ និង Ronaldo នៅនាទី៤៤។ ឈានចូលតង់ទី២ ក្រុមព័រទុយហ្គាល់ថែមបាន២គ្រាប់ទៀត ដោយ Joao Cancelo នាទី៨៦ និង Bruno ដដែលនៅនាទី៩០+១។
ក្រុមរបស់លោក Fernando Santos ប្រកួតមិត្តភាពកន្លងមកមិនដែលចាញ់នោះទេ។ ខណៈដែលនៅពានរង្វាន់ Euro ដែលក្រុមនេះត្រូវការពារតំណែងជើងឯកនោះ ពួកគេស្ថិតនៅពូលជាមួយក្រុមបារាំង អាល្លឺម៉ង់ និងហុងគ្រី៕ប្រភព Dailymail
