ក្រុមបាល់ទាត់ជម្រើសជាតិអាហ្សង់ទីន លេងបានត្រឹមស្មើជាមួយក្រុមកូឡុំប៊ី ក្នុងលទ្ធផល ២-២ ប៉ុណ្ណោះសម្រាប់ការប្រកួតជម្រុះ World Cup កាលពីព្រឹកមិញនេះ។
ក្រុមអាហ្សង់ទីន ធ្វើបានល្អណាស់នៅដើមតង់ទី១ ដោយរកបាន២គ្រាប់ជាប់គ្នាតែម្ដង ដោយ Romero នៅនាទីទី៣ និង Paredes នៅនាទីទី៨។ តែបន្ទាប់ពីរកបាន២គ្រាប់នេះហើយ ក្រុមអាហ្សង់ទីន ធ្វើមិនបានល្អទេ ផ្ទុយទៅវិញត្រូវក្រុមកូឡុំប៊ី វាយបកតាមស្មើវិញបានដោយ Muriel ប៉េណាល់ទីនាទី៥១ និង១គ្រាប់ទៀតដោយ Borja នៅនាទី៩០+៤។
នេះជាការបាត់ពិន្ទុរបស់ក្រុមអាហ្សង់ទីន២ប្រកួតជាប់គ្នាមកហើយ។ ដោយប្រកួតមុននោះ ពួកគេលេងបានត្រឹមស្មើជាមួយក្រុមឈីលីក្នុងលទ្ធផល ១-១ ប៉ុណ្ណោះ។ អាហ្សង់ទីនពេលនេះនៅលេខ២ក្នុងតារាង ឆ្លងកាត់៦ប្រកួតមាន១២ពិន្ទុ ខណៈដែលក្រុមលេខ១ ប្រេស៊ីលវិញ ៦ប្រកួត មាន១៨ពិន្ទុពេញតែម្ដង៕ប្រភព Barcablaugranes
