ម្ចាស់ជើងឯក Lumpinee Muay Thai World Champion កីឡាករ Mongkolpetch Petchyindee Academy នឹងប្រើជំនាញប្រយុទ្ធរបស់ខ្លួនឲ្យល្អបំផុតនៅថ្ងៃសុក្រទី ១១ ខែ មិថុនា នៅពេលរូបគេត្រូវប៉ះតារាលំដាប់លេខ ៤ ទម្ងន់ flyweight, Elias “The Sniper” Mahmoudi ក្នុងការប្រកួតមួយថៃ។
តារាទាំងពីរត្រូវប៉ះគ្នានៅក្នុងកម្មវិធី ONE Super Series ទម្ងន់ catchweight ក្នុងនាមជាគូឯក ONE: FULL BLAST II ហើយអ្នកទទួលជ័យជម្នះក្នុងការប្រកួតនេះអាចហក់ចូលក្នុងចំណាត់ល្អមួយ និង អាចមានសិទ្ធិទៅប្រកួតដើម្បីដណ្ដើមខ្សែក្រវាត់ពិភពលោកនាពេលខាងមុខ។
បែបណាក្ដី ការផ្ដួល Mahmoudi ដែលជាសត្រូវម្នាក់មិនអាចមើលស្រាលនឹងមិនងារស្រួលប៉ុន្មានទេសម្រាប់តារាថៃ ទោះឈ្នះ ៣-០ នៅសង្វៀន ONE Super Series ។
«Elias មានបទពិសោធន៍ទាំងមួយថៃ និង ឃីកបុកសីង។ គេមុតស្រួចណាស់ និងមានកណ្ដាប់ដៃធ្ងន់ទៀតផង ជាពិសេស កណ្ដាប់ដៃ និង កែងរបស់គេល្អ»។ Mongkolpetch បានថ្លែងបែបនេះ។
កីឡាករអាល់ហ្សេរី-បារាំង បានបង្ហាញស្នៀតល្អណាស់កាលជួប Lerdsila Phuket Top Team ក្នុងជំនួបមួយថៃចុងក្រោយនៅកម្មវិធី ONE: MARK OF GREATNESS ជាពេលដែលរូបគេឈ្នះពិន្ទុជាឯកច្ឆន្ទលើវីរបុរសមួយថៃរូបនេះ។ប៉ុន្តែ Mongkolpetch ជឿជាក់ថា Mahmoudi នឹងព្យាយាមស្វែងរកចំណុចខ្សោយរបស់ខ្លួន និងធ្វើឲ្យការប្រកួតកាន់តែខ្លាំងក្លា។
កូនសិស្សមកពីក្លិប Petchyindee Academy រៀបរាប់បន្ថែម ៖« ដូចខ្ញុំបានឃើញចំណុចខ្សោយ គឺជើងនិងចង្កា។ គេខ្ពស់ដូច Alaverdi “Babyface” Ramazanov ដែលប្រកួតt [ជាមួយមិត្តរួមក្រុមរបស់ខ្ញុំ] Capitan [Petchyindee Academy]។ ដូច្នេះ យើងសម្រេចថាត្រូវប្រើផែនការដូចគ្នា ក្នុងការទាត់កំភួនជើង។ ហើយខ្ញុំក៏ត្រូវផ្ដោតលើការវ៉ៃកណ្ដាប់ដៃផងដែរ»។
Mongkolpetch ដាក់ផែនការទាត់កំភួនជើងដូចអ្វីដែល Capitan ប្រើដើម្បីរំខានដល់ “Babyface Killer” នៅកម្មវិធី ONE: UNBREAKABLE កាលខែ មករា អីចឹង។ គេបានផ្ដល់មេរៀនដល់កីឡាកររុស្សីតាមរយៈផ្ដួលឲ្យសន្លប់នៅទឹកទី២ដើម្បីក្លាយជាម្ចាស់ខ្សែក្រវាត់ ONE Bantamweight Kickboxing World Champion។
ដោយមាន Capitan ជើងខ្លាំង Mongkolpetch ក៏រៀបចំខ្លួនជាមួយ Petchdam “The Baby Shark” Petchyindee Academy ផងដែរសម្រាប់ថ្ងៃសុក្រនេះ។
Petchdam បានផ្ដួល Mahmoudi ដើម្បីគ្រងខ្សែក្រវាត់ឃីកបុកសីង ONE Flyweight កាលពីពីរឆ្នាំមុន ONE: WARRIORS OF LIGHT និងត្រូវរៀបជើងព្រួលកាន់តែល្អជាមួយ “The Sniper”។
Mongkolpetch បានគូសបញ្ជាក់ដូច្នេះ ៖«ខ្ញុំនិងគ្រូបង្វឹកធ្វើការរួមគ្នាដើម្បីសិក្សាអំពីការប្រកួតរបស់ Elias កាលលើកមុនៗ ជាពិសេសការប្រកួតរវាងរូបគេ និង Petchdam តែម្ដង។ ទោះពួកគេប្រកួតក្នុងក្បាច់ឃីកបុកសីងក៏ដោយ យើងក៏អាចឃើញតិកនិកក្នុងមួយថៃផងដែរ និង ផែនការរបស់គេ»។
ចុងក្រោយ Mongkolpetch សង្ឃឹមថាយកឈ្នះ Mahmoudi និងទទួលបានឱកាសទៅដណ្ដើមខ្សែក្រវាត់មួយថៃ ONE’s flyweight ។
Mongkolpetch សង្កត់ធ្ងន់ ៖«ខ្ញុំត្រៀមរួចជាស្រេចទៅហើយ មួយរយភាគរយ។ ខ្ញុំបានឈ្នះ ៣ ប្រកួតជាប់គ្នានៅ [ONE] ហើយបើខ្ញុំឈ្នះ ខ្ញុំនឹងកើនចំណាត់ថ្នាក់ និងមានឱកាសទៅដណ្ដើមខ្សែក្រវាត់ World Title ទល់នឹង Rodtang [“The Iron Man” Jitmuangnon] ដែលជាគោលដៅធំរបស់ខ្ញុំ។ ក្នុងការប្រកួតនេះ ខ្ញុំត្រូវតែផ្ដួលគេឲ្យសន្លប់ និង ចង់ព្រមាន Elias អំពីរឿងនេះ។ ហើយសូមមើលកណ្ដាប់ដៃរបស់ខ្ញុំផង»។