លោក Roberto Martinez គ្រូបង្វឹកក្រុមជម្រើសជាតិបែលហ្សិក បានអះអាងថាខ្សែប្រយុទ្ធ Eden Hazard នៅមិនទាន់ប្រាកដថាអាចលេងពានរង្វាន់ Euro ខាងមុខនេះបានឬអត់នោះទេ។
Hazard ក្នុងការប្រកួតមិត្តភាពកន្លងទៅ លេងបានត្រឹមតែ១០នាទីប៉ុណ្ណោះ ដែលនេះជារឿងគួរឱ្យព្រួយបារម្ភមួយសម្រាប់ក្រុមបែលហ្សិក។ ខណៈដែលបញ្ហារបួសនៅតែជារឿងកើតឡើងទៅលើរូបគេដដែល បើទោះជាសម្រាកព្យាបាលជាច្រើនសប្ដាហ៍មកហើយក៏ដោយ។
លោក Martinez គ្រូបង្វឹកបែលហ្សិកបាននិយាយថា៖ “គោលដៅរបស់ Eden គឺបានចូលលេងលើទីលាន។ វាគឺជាជំហានដែលត្រូវត្រលប់មកដូចដើមវិញ ដែលមិនអាចបង្ខំបានឡើយ។ ខ្ញុំគិតថាវាមានរឿងច្រើនដែលត្រូវធ្វើដើម្បីឱ្យគាត់ត្រលប់មកល្អវិញ។ វាពិបាកណាស់ក្នុងការនិយាយថាគាត់រួចរាល់សម្រាប់ការប្រកួតខាងមុខនេះ”៕ប្រភព Marca
