ប្រធានក្រុមជម្រើសជាតិអេស្ប៉ាញ Sergio Busquets បានធ្វើតេស្ដវិជ្ជមានកូវីដ១៩ទៅហើយ សម្រាប់ការធ្វើតេស្ដជុំចុងក្រោយនៃការត្រៀមខ្លួនចូលលេងពានរង្វាន់ Euro ។
ការប្រកួត Euro នឹងឈានចូលមកដល់នៅ១សប្ដាហ៍ខាងមុខនេះហើយ ខណៈដែលក្រុមទាំងអស់ក៏កំពុងស្វះស្វែងប្រមូលផ្ដុំហ្វឹកហាត់យ៉ាងខ្លាំងផងដែរ។ ដោយឡែកសម្រាប់ក្រុមជម្រើសជាតិអេស្ប៉ាញវិញ នៅយប់មិញនេះ បានបង្ហាញដំណឹងមិនល្អមួយសម្រាប់អ្នកគាំទ្រ ពោលគឺប្រធានក្រុមរបស់ពួកគេ Sergio Busquets បានឆ្លងកូវីដ១៩ទៅហើយ។
លទ្ធផលវិជ្ជមាននេះ បានធ្វើឱ្យក្រុមអេស្ប៉ាញផ្អាកការប្រកួតមិត្តភាពជាមួយក្រុមលីទុយអានីនៅយប់ស្អែកនេះ។ ដោយជំនួសវិញដោយក្រុមយុវជនអាយុក្រោម២១ឆ្នាំវិញ។ ខណៈដែលក្រុមឈុតធំត្រូវផ្អាកប្រកួតសិន ដើម្បីធ្វើតេស្ដ តែលទ្ធផលតេស្ដលើកទី១ អវិជ្ជមានទាំងអស់គ្នាទេ៕ប្រភព Marca
