ក្របខណ្ឌកំពូលអង់គ្លេស English Premier League នឹងសាកល្បងប្រើប្រាស់វីដេអូជំនួយអាជ្ញាកណ្ដាល VAR នៅពាក់កណ្ដាលខែនេះ ពោលគឺត្រលប់ពីសម្រាកជម្រើសជាតិ។
VAR ត្រូវបានសហព័ន្ធបាល់ទាត់អង់គ្លេសប្រកាសមិនប្រើប្រាស់រដូវកាលនេះ បើទោះជាវាជោគជ័យខ្លាំងនៅ World Cup 2018 ក៏ដោយ។ យ៉ាងណាមិញ ដោយសារតែលីគតាមប្រទេសផ្សេងៗ បានចាប់ផ្ដើមប្រើប្រាស់វាទៅហើយនោះ អង់គ្លេស ក៏បានសម្រេចចិត្តសាកល្បង១៥ប្រកួតផងដែរនៅរដូវកាលនេះ។ ប្រសិនបើការប្រើប្រាស់ពិតជាមានប្រសិទ្ធភាព ហើយក្លឹបទាំងអស់ទទួលយកបាន នោះ VAR នឹងចាប់ផ្ដើមដំណើរការនៅរដូវកាលក្រោយ ពេញប្រកួតតែម្ដង។
សូមបញ្ជាក់ថា Premier League ជាលីគធំនៅអឺរ៉ុបចុងក្រោយគេ ដែលទើបនឹងសម្រេចចិត្តប្រើប្រាស់ VAR នេះ។ ខណៈដែលអាល្លឺម៉ង់ អ៊ីតាលី និងអេស្ប៉ាញ ពួកគេបានសាកល្បងប្រើប្រាស់ VAR នេះ តាំងពីរដូវកាលមុនមកម្ល៉េះ៕ប្រភពDailyMail