អ្នកប្រដាល់ជើងចាស់ Mike Tyson មើលឃើញថា Floyd Mayweather អាចនឹងធ្វើឱ្យកីឡាករ Logan Paul ស្លាប់នៅលើសង្វៀនបាន សម្រាប់ការប្រកួតនៅថ្ងៃស្អែកនេះ។
Floyd នឹងត្រូវប្រកួតជាមួយអ្នកប្រដាល់ Youtube ឈ្មោះថា Logan Paul នៅថ្ងៃទី៧ខែមិថុនាឆ្នាំ២០២១ស្អែកនេះហើយ។ នេះជាការប្រកួតមិនផ្លូវការមួយ ដែលនឹងមិនធ្វើឱ្យមានការប្រែប្រួលកំណត់ត្រាមិនចាញ់៥០ប្រកួតរបស់ Floyd នោះទេ ទោះជាលទ្ធផលទៅជាយ៉ាងណាក៏ដោយ។ តែបើតាមសាមីខ្លួនវិញ យល់ឃើញថារូបគេចង់ឈ្នះនៅទឹកប៉ុន្មានក៏បានដែរ ប៉ះជាមួយ Logan នេះ។
ទាក់ទិននឹងការប្រកួតនេះដែរ Mike Tyson អតីតកីឡាករជើងខ្លាំងមួយរូបបាននិយាយថា៖ “Floyd នឹងសម្លាប់ក្មេងប្រុសម្នាក់នេះហើយ។ Floyd នៅហាត់ជាប្រចាំ គាត់មិនដែលបោះបង់ការហាត់នោះទេ។ គាត់នឹងសប្បាយក្នុងការឈ្នះលុយនេះហើយ”៕
ប្រភព៖ Marca