ក្រុមជម្រើសជាតិអ៊ីតាលី ពិតជាធ្វើបានល្អណាស់សម្រាប់ការប្រកួតចូលលេងពានរង្វាន់ Euro 2020 ខាងមុខនេះ ដោយបន្ដយកឈ្នះលើក្រុមឆែកក្នុងលទ្ធផល ៤-០ សម្រាប់ប្រកួតមិត្តភាព។
ក្រោមការដឹកនាំរបស់លោក Roberto Mancini ក្រុមអ៊ីតាលីលេង៧ប្រកួតចុងក្រោយនេះ ឈ្នះទាំង៧ប្រកួត និងរក្សាសំណាញ់ទីមិនឱ្យដៃគូស៊ុតចូលនោះទេ។ ស្របពេលប្រកួតចុងក្រោយនៅយប់មិញ ឈ្នះក្រុមឆែក ៤-០ ថែមទៀត។ វាជាកំណត់ត្រាល្អមួយសម្រាប់ក្រុមនេះ ខណៈដែលពួកគេនឹងត្រូវចូលលេងពានរង្វាន់ Euro 2020 នៅសប្ដាហ៍ក្រោយនេះហើយ។
ក្រុមអ៊ីតាលីនៅ Euro ឆ្នាំនេះ ស្ថិតនៅពូលជាមួយក្រុមទួរគី ស្វីស និងវែល។ នេះជាវេលាដ៏ល្អបំផុតសម្រាប់អ៊ីតាលីក្នុងការលេងពានអន្ដរជាតិហើយ ខណៈដែលកាលពីឆ្នាំ២០១៨កន្លងទៅ ក្រុមខ្លាំងនៅអឺរ៉ុបមួយនេះ មិនបានលេង World Cup ផង៕ប្រភព៖ DailyMail
