ក្រុម Bayern Munich បានយល់ព្រមទិញយកខ្សែបម្រើ Saul Niguez ពីក្រុម Atletico Madrid ហើយ ក្នុងតម្លៃប្រមាណជា៦៨លានផោនឯណោះ។
កីឡាករវ័យ២៦ឆ្នាំខាងលើនេះ ត្រូវបានក្រុម Manchester United ចង់បានផងដែរ ប៉ុន្តែចុងក្រោយបែរជាមានដំណឹងថាក្រុម Bayern Munich យកបានមុនទៅវិញ។ ខ្សែបម្រើការពាររូបនេះ ចំណាយពេលរហូតមកជាមួយក្រុម AT Madrid ហើយចុងក្រោយនេះជួយក្លឹបឈ្នះពាន La Liga ថែមទៀត។ នៅរដូវកាលថ្មីខាងមុខ រូបគេចង់ស្វែងរកក្លឹបថ្មីដើម្បីស្រង់យកបទពិសោធថ្មីហើយ។
ប្រភពបានបញ្ជាក់ថា Bayern Munich នឹងចំណាយ៦៨លានផោនដើម្បីទិញយកកីឡាករជម្រើសជាតិអេស្ប៉ាញរូបនេះ។ ខណៈដែល AT Madrid នឹងយកចំណែកខ្លះនៃប្រាក់លក់សរុប ប្រមាណ៣៤លានផោនទៅទិញកីឡាករថ្មីទៀតឈ្មោះថា Rodrigo de Paul ៕ប្រភព Dailymail