ខ្សែការពារ Marcelo បានចេញមុខមកបញ្ជាក់ថា ខ្លួននឹងរួមរស់ជាមួយក្រុម Real Madrid រហូតដល់ទីបញ្ចប់ មិនមានចិត្តចង់ចាកចេញទៅណានោះទេ។
មួយរយៈចុងក្រោយនេះ មានដំណឹងជាច្រើនបានចុះផ្សាយថា Marcelo អាចនឹងត្រូវក្រុម Real Madrid លក់ចេញទៅក្លឹប Juventus ដើម្បីប្ដូរយក Sandro ត្រលប់មកវិញ។ ហើយមានដំណឹងខ្លះផ្សាយទៀតថា ខ្សែការពារប្រេស៊ីល កំពុងមានបញ្ហាជាមួយអ្នកចាត់ការទើបបានជាក្លឹបចង់លក់ចេញ។
យ៉ាងណាមិញ ដើម្បីបំបាត់មន្ទិលអស់នេះ Marcelo ផ្ទាល់បាននិយាយថា៖“ខ្ញុំសប្បាយចិត្តនៅ Madrid ហើយអ្នករាល់គ្នាគួរតែដឹងថាខ្ញុំសល់កុងត្រាច្រើនឆ្នាំទៀតនៅទីនេះ។ Madrid ជាក្លឹបល្អបំផុតលើលោក ហើយខ្ញុំនឹងនៅទីនេះ រហូតដល់ទីបញ្ចប់។ ជួនកាល Media មិនមែនពិតទាំងអស់នោះទេ ពួកគេអាចចុះផ្សាយបានជានិច្ច ចំពោះរឿងចចាមអារ៉ាម”៕ប្រភពះ៖ En.as
