ក្រុម Spurs កំពុងបើកការចរចាជាមួយលោក Antonio Conte ដើម្បីនាំយកមកដឹកនាំក្រុមនារដូវកាលថ្មីខាងមុខនេះ បន្ទាប់ពីលោកលាឈប់ពីក្រុម Inter Milan ។
ក្រុម Spurs នេះបានស្វែងរកអ្នកចាត់ការថ្មីជាច្រើននាក់មកហើយ។ ពួកគេបានទាក់ទងជាមួយលោក Julian Nagelsmann និង Brendan Rodgers ដែរ ប៉ុន្តែចុងក្រោយមិនអាចទាក់ចិត្តអ្នកចាត់ការទាំងពីរខាងលើនេះបានឡើយ។ រហូតមកដល់ពេលនេះ ស្រាប់តែមានដំណឹងថាកំពុងចែចូវលោក Conte មកដឹកនាំក្រុមវិញម្ដង។ បុរសសញ្ជាតិអ៊ីតាលីនេះ ទើបតែជួយ Inter Milan លើកពាន Serie A ហើយ ក៏ប្រកាសលាឈប់ពីតំណែងតែម្ដង។
លោក Conte នេះ ក៏មានបទពិសោធដឹកនាំក្រុមនៅ Premier League ផងដែរ។ អំឡុងឆ្នាំ២០១៦ដល់២០១៨ លោកដឹកនាំក្រុម Chelsea ហើយក៏ទទួលបានឱកាសឈ្នះពានរង្វាន់លីគកំពូលអង់គ្លេស និង FA Cup ថែមទៀតផង៕ប្រភព Dailymail
