ខ្សែប្រយុទ្ធ Cristiano Ronaldo បានប្រាប់ទៅមិត្តរួមក្រុមនៅ Juventus រូចហើយថារូបគេនឹងចាកចេញពីក្រុមនៅចប់រដូវកាលនេះហើយ។
បន្ទាប់ពីចំណាយ១រដូវកាលនេះមិនសូវជោគជ័យ និងមានបញ្ហាច្រើនជាមួយលោក Pirlo ផងនោះ ពេលនេះដំណឹងដែលថា Ronaldo នឹងចាកចេញមានកាន់តែច្រើនឡើងហើយ។ ដោយក្នុងនោះ ខ្សែប្រយុទ្ធវ័យ៣៦ឆ្នាំបាននិយាយប្រាប់ទៅមិត្តរួមក្រុមរបស់គេថា រូបគេនឹងចាកចេញពីទឹកដីអ៊ីតាលីនេះហើយ ដើម្បីស្វែងរកក្លឹបថ្មីលេង។
ការចង់ចាកចេញនេះ ធ្វើឡើងបន្ទាប់ពីរូបគេបានប្រកាសថាបានឈ្នះពានរង្វាន់សព្វគ្រប់អស់ហើយ ដែលជាអ្វីខ្លួនដាក់គោលដៅអំឡុងពេលចុះកុងត្រាមកលេងឱ្យក្រុម Juventus ។ ដូច្នេះវាល្មមសម្រាប់ការស្វែងរកបទពិសោធថ្មីបន្ថែមទៀត សម្រាប់ប៉ុន្មានឆ្នាំដែលនៅសល់ក្នុងអាជីពបាល់ទាត់របស់ខ្លួន៕ប្រភព Marca
