ក្រុមអ្នកមានបុណ្យ FC Barcelona រំពឹងថាការបញ្ចុះបញ្ចូលឱ្យមានកុងត្រាថ្មីលើកីឡាករ Lionel Messi នឹងអាចសម្រេចបាននៅពេលចប់ព្រឹត្តិការណ៍ Copa America ខាងមុខនេះ។
Messi ពេលនេះកំពុងហ្វឹកហាត់ជាមួយក្រុមជម្រើសជាតិអាហ្សង់ទីន ដើម្បីត្រៀមខ្លួនលេងពានរង្វាន់ Copa America នាពេលខាងមុខនេះ។ ដោយសារតែផ្ដោតនៅលើក្រុមជម្រើសជាតិសិន ទើបពេលនេះសាមីខ្លួនមិនទាន់បានសម្រេចពីអនាគតនៅក្រុម FC Barcelona នោះទេ។ ដោយឡែកកុងត្រារបស់គេក៏បានអស់នៅត្រឹមចប់រដូវកាលនេះហើយ។
ក្រុមអ្នកមានបុណ្យដែលព្យាយាមឱ្យមានកុងត្រាថ្មីកើតឡើងតាំងពីឆ្នាំមុននោះ នៅតែបន្ដការចរចារបស់ពួកគេដដែល។ ដោយពួកគេរំពឹងថាចប់ព្រឹត្តិការណ៍ Copa America ទៅ នឹងទទួលបានដំណឹងល្អជាក់ជាមិនខាន៕ប្រភព Dailymail 