ក្រុម Villarreal នឹងត្រូវតតាំងជាមួយក្រុមបិសាចក្រហម Manchester United នៅម៉ោង២រំលងអាធ្រាត្រនេះហើយ សម្រាប់ការប្រកួតផ្ដាច់ព្រ័ត្រពានរង្វាន់ Europa League ។
នេះជាពានរង្វាន់មួយដែលក្រុមបិសាចក្រហមដាក់គោលដៅចង់បានខ្លាំងណាស់ ព្រោះពួកគេខកខានលើកពានអស់រយៈពេល៤ឆ្នាំមកហើយ។ យ៉ាងណាមិញ សម្រាប់ក្រុម Villarreal ក្រោមការដឹកនាំរបស់លោក Unai Emery វិញ ក៏ចង់បានពានរង្វាន់នេះដូចគ្នា ព្រោះពួកគេជាក្រុមអេស្ប៉ាញមួយដែលមានសមត្ថភាព ហើយអ្នកចាត់ការរបស់ពួកគេក៏មានកំណត់ត្រាល្អក្នុងពាននេះដែរ ធ្លាប់ដឹកនាំ Sevilla ឈ្នះ៣ឆ្នាំជាប់គ្នាឯណោះ។
មុនការប្រកួតនៅរាត្រីនេះចាប់ផ្ដើម លោក Emery បាននិយាយថា៖ “Man Utd ជាក្រុមល្អមួយ។ ពួកគេមានប្រវត្តិសាស្ត្រខ្លាំងក្នុងការប្រកួតសំខាន់ៗ ប៉ុន្តែវាក៏នឹងមិនធ្វើឱ្យយើងខ្លាចពួកគេដែរ។ ខ្ញុំបានប្រាប់ទៅកូនក្រុមថា ប្រកួតផ្ដាច់ព្រ័ត្រគ្មានអ្វីត្រូវខ្លាចនោះទេ។ យើងនឹងចេញទៅ ដោយមានទំនុកចិត្តថាទទួលបានជ័យជម្នះ”៕
ប្រភព៖ Marca