លោក Thomas Tuchel អ្នកចាត់ការក្រុម Chelsea បានអះអាងថាកីឡាករសំខាន់២នាក់គឺ Kante និងអ្នកចាំទី Mendy មិនមានបញ្ហាអ្វីធ្ងន់ធ្ងរទេ រូបគេទំនងលេងបានទល់ក្រុម Manchester City ។
អ្នកចាំទី Mendy បានរងរបួសអំឡុងពេលក្រុម Chelsea លេងចាញ់ក្រុម Aston Villa ២-១ សម្រាប់ការប្រកួតចុងក្រោយបិទរដូវកាល។ ដោយឡែកសម្រាប់ Kante វិញ មានបញ្ហាសាច់ដុំបន្តិចបន្ដួចប៉ុណ្ណោះ ហើយរូបគេជាអ្នកសុំគ្រូបង្វឹកប្ដូរចេញដោយខ្លួនឯងតែម្ដង។ របួសកីឡាករទាំងពីរនេះ ពិតជាសំខាន់ណាស់សម្រាប់ក្រុមតោខៀវ ព្រោះពួកគេត្រូវប្រកួតផ្ដាច់ព្រ័ត្រពានរង្វាន់ UEFA Champions League ផ្ដាច់ព្រ័ត្រទល់ Manchester City ទៀត។
Kante និង Mendy
ការប្រកួតដែលនឹងធ្វើឡើងនៅចុងសប្ដាហ៍នេះ លោក Thomas Tuchel អ្នកចាត់ការក្រុម Chelsea បាននិយាយថា៖ “យើងសង្ឃឹមថាគាត់នឹងត្រលប់មកហាត់បានវិញនៅថ្ងៃពុធនេះហើយ។ យើងបានតាមដានរបួសរបស់គាត់យ៉ាងយកចិត្តទុកដាក់។ យើងសង្ឃឹមថាគាត់នឹងអាចលេងបានវិញសម្រាប់ប្រកួតចុងក្រោយ។ នៅថ្ងៃស្អែកយើងនឹងបានដឹងច្បាស់ហើយ”៕ប្រភព៖ DailyMail
