ខ្សែប្រយុទ្ធ Cristiano Ronaldo ហាក់ដូចជាបង្ហើបពីគម្រោងចង់ចាកចេញពីក្រុម Juventus ហើយ ដោយអះអាងថារូបគេបានឈ្នះគ្រប់យ៉ាងដែលជាគោលដៅរូចទៅហើយ។
នៅរដូវកាលនេះ Ronaldo ជាប់ឈ្មោះជាកីឡាកររកគ្រាប់បាល់បានច្រើនជាងគេនៅលីគកំពូលអ៊ីតាលី ប៉ុន្តែមិនអាចជួយក្រុម Juventus ឈ្នះជើងឯកបាននោះទេ។ ដោយទទួលបានត្រឹមចំណាត់ថ្នាក់លេខ៤ក្នុងតារាង Serie A ប៉ុណ្ណោះ ហើយ Inter Milan ជាអ្នកក្លាយជាម្ចាស់ជើងឯក។
ក្រោយបញ្ចប់រដូវកាលនេះភ្លាម អតីតកីឡាករ Real Madrid បានចេញមុខនិយាយពីគម្រោងនៃការចង់ចាកចេញតែម្ដង។ Ronaldo បានបញ្ជាក់ថាចំណាយពេលប៉ុន្មានរដូវកាលនេះ រូបគេបានឈ្នះពានរង្វាន់ដែលជាអ្វីខ្លួនសន្យាតាំងពីចូលលេងឱ្យក្លឹបនេះអស់ហើយ។ គ្រប់យ៉ាងរូបគេសម្រេចបានអស់ហើយ ដូច្នេះទៅថ្ងៃអនាគតទៀតគ្រប់យ៉ាងមិនទាន់ប្រាកដឡើយ។ កុងត្រារបស់ Ronaldo នៅមានដល់ឆ្នាំ២០២២ទៀត៕ប្រភព៖ MARCA
