ក្រុម Real Madrid បានឡើងដល់វគ្គផ្ដាច់ព្រ័ត្រពានរង្វាន់ធំនៅអឺរ៉ុប UEFA Champions League ហើយ ក្រោយពីទម្លាក់ Bayern Munich ក្នុងលទ្ធផល ៤-៣ គិតទាំងពីរជើង។
កាលពីជើងទី១កន្លងទៅ Real Madrid បានយកឈ្នះលើ Bayern ក្នុងលទ្ធផល ១-២ ស្របពេលជើងទីពីរកាលពីយប់មិញនេះ ពួកគេអាចរក្សាលទ្ធផលស្មើគ្នា ២-២ ទៀត ទើបអាចឡើងដល់វគ្គផ្ដាច់ព្រ័ត្របាន។ នេះជាកំណត់ត្រាថ្មីមួយហើយសម្រាប់ក្រុមរបស់លោក Zidane ដោយពួកគេអាចឡើងដល់វគ្គផ្ដាច់ព្រ័ត្រនេះបាន៣ឆ្នាំជាប់គ្នាតែម្ដង។ ដោយ២ឆ្នាំកន្លងទៅ ឡើងដល់វគ្គនេះសុទ្ធតែបានលើកពាន ខណៈដែលឆ្នាំនេះវិញ ត្រូវចាំអ៊ុតមើលសិន ថាត្រូវប៉ះក្រុមណា Liverpool ឬ Roma ។
ការប្រកួតវគ្គផ្ដាច់ព្រ័ត្រនឹងត្រូវធ្វើឡើងនៅទីក្រុង Kiev ប្រទេសអ៊ុយក្រែន នៅថ្ងៃទី២៧ខែឧសភាឆ្នាំ២០១៨ខាងមុខនេះ៕
