ក្លិបបាល់ទាត់សិង្ហបុរី Lion City Sailors បានប្រកាសតែងតាំងលោក Kim Do-hoon សញ្ជាតិកូរ៉េខាងត្បូងជាគ្រូបង្គោរបស់ខ្លួនចាប់ពីពេលនេះតទៅ។
លោកគីមដែលបានដឹកនាំក្រុម Ulsan Hyundai របស់កូរ៉េខាងត្បូងដើម្បីទទួលជោគជ័យក្នុងពានរង្វាន់ AFC Champions League (ACL) របស់សហព័ន្ធបាល់ទាត់អាស៊ីកាលពីឆ្នាំមុនបានចូលរួមជាមួយ Sailors ក្នុងកិច្ចសន្យារយៈពេល ២ ឆ្នាំកន្លះ។ គាត់ត្រូវបានគេរំពឹងថានឹងភ្ជាប់ទំនាក់ទំនងជាផ្លូវការជាមួយក្រុមនេះនៅខែមិថុនាខាងមុខ។
អតីតកីឡាករជម្រើសជាតិកូរ៉េខាងត្បូងរូបនេះ នឹងឈានជើងចូលក្នុងតួនាទីដែលទំនេរបន្ទាប់ពីលោក Aurelio Vidmar ដែលបានចាកចេញពី Sailors កាលពីខែមេសា។ លោកបាននិយាយក្នុងវេបសាយផ្លូវការរបស់ក្លិបថា៖
“ ខ្ញុំពិតជារីករាយណាស់ដែលបានចូលរួមជាមួយ Lion City Sailors ។ វាពិតជាគួរឱ្យរំភើបណាស់ដែលបានចូលរួមជាផ្នែកមួយនៃគម្រោងដែលមានមហិច្ឆិតានេះ។ ក្លឹបមានសេចក្តីប្រាថ្នាចង់ក្លាយជាក្រុមកំពូលមួយក្នុងតំបន់ ហើយខ្ញុំមានទំនុកចិត្តក្នុងការផ្តល់នូវជោគជ័យនោះដល់ក្រុមមួយនេះ។
“ទោះយ៉ាងណា! មុនមានអ្វីទាំងអស់ខ្ញុំសូមថ្លែងអំណរគុណដល់ Aurelio ចំពោះការងាររឹងមាំដែលគាត់បានធ្វើ។ ក្រុម Sailors មានក្រុមកីឡាករដែលមានទេពកោសល្យ ហើយក្រុមនេះបានលេងបាល់ទាត់ដ៏គួរឱ្យរំភើបក្នុងឆ្នាំកន្លងទៅ។ ខ្ញុំមានបំណងបង្កើតវាហើយនាំក្រុមនេះទៅកម្រិតបន្ទាប់ទៀត”។
Kim បានចាកចេញពី Ulsan កាលពីខែធ្នូឆ្នាំមុន ក្រោយបន្ទាប់ពីទទួលបន្ទុកគ្រប់គ្រងក្លឹបអស់រយៈពេល ៤ ឆ្នាំ។ ពេលទៅដល់ទីនោះគាត់ត្រូវបានគេស្គាល់ថាជាគ្រូបង្វឹកដែលចូលចិត្តលេងស្ទីលរក្សាការគ្រប់គ្រងបាល និងវាយសម្រុកក្នុងល្បឿនលឿន។
បុរសវ័យ ៥០ ឆ្នាំរូបនេះដែលធ្លាប់ដឹកនាំ Incheon United ពីឆ្នាំ ២០១៥ ដល់ ២០១៦ មុនពេលចូលរួមជាមួយ Ulsan ហើយគាត់ក៏ជាអ្នកមានឥទ្ធិពលក្នុងការនាំយកកីឡាករឆ្នើម ៗ របស់គាត់មកជាមួយដែរដូចជាខ្សែប្រយុទ្ធ JúniorNegrão ខ្សែបម្រើស្លាប Kim In-Seong និងខ្សែបម្រើ Lee Dong ។
ខ្សែបម្រើ Lee Dong Kyung លូតលាស់នៅក្រោមការគ្រប់គ្រងរបស់គាត់។ នៅក្រោមការដឹកនាំរបស់ Kim Do-hoon ក្លិប Ulsan បានឈ្នះពានរង្វាន់ FA Cup លើកដំបូងរបស់ពួកគេនៅឆ្នាំ ២០១៧ ហើយក៏ត្រូវប្រជែងគ្នាដណ្តើមជើងឯកលីកផងដែរ ពោលគឺពួកគេបញ្ចប់នៅលេខ ២ ទាំងរដូវកាល ២០១៩ និង ២០២០ ៕